Monthly Archives: December 2014

ရတုအခေါ်အဝေါ်များ

၁ နှစ်မြောက်- စက္ကူရတု
၂ နှစ်မြောက်- ဂွမ်းရတု
၃ နှစ်မြောက်- သားရေရတု
၎ နှစ်မြောက်- ပိုးရတု
၅ နှစ်မြောက်- သစ်သားရတု
၆ နှစ်မြောက်- သကြားရတု
၇ နှစ်မြောက်- သက္ကလပ်ရတု
၈ နှစ်မြောက်- ကြေးရတု
၉ နှစ်မြောက်- ဥဿဖုရားရတု
၁၀နှစ်မြောက်- သံဖြူရတု
၁၁နှစ်မြောက်- သံမဏိရတု
၁၂နှစ်မြောက်- ခြည်ရတု
၁၃နှစ်မြောက်- ဇာပန်းရတု
၁၄နှစ်မြောက်- ဆင်စွယ်ရတု
၁၅နှစ်မြောက်- သလင်းရတု
၂၀နှစ်မြောက်- ကြွေရတု
၂၅နှစ်မြောက်- ငွေရတု
၃၀နှစ်မြောက်- ပုလဲရတု
၃၅နှစ်မြောက်- ကျောက်စိမ်းရတု
၄၀နှစ်မြောက်- ပတ္တမြားရတု
၄၅နှစ်မြောက်- နီလာရတု
၅၀နှစ်မြောက်- ရွှေရတု
၅၅နှစ်မြောက်- မြရတု
၆၀နှစ်မြောက်- စိန်ရတု
၇၅နှစ်မြောက်- ဒုတိယစိန်ရတု
၉၀နှစ်မြောက်- နဝရတ်ရတု

Advertisements

ရင်ကွဲကဗျာ

ရီဝေဝေည…………
ကြယ်တစ်ချို့ကမျက်စိမှိတ်ပြကြတယ်။
အနက်ရောငိကိုပိန်းပိတ်အောင်သုတ်ထားတဲ့ကြားထဲက
ငါ့ရင်ဘတ်မှာ အသည်းကွဲရောင်တွေ
တဖျတ်ဖျတ်လက်နေခဲ့တယ်။
သြော်…………ဒီလိုပါပဲထိပ်ထားရယ်။
ဒီအချိန်ဆို ပုံမှန်သတိရတယ်။

ဆန္ဒရှိပေမယ့် ပြောင်းလဲနိုင်စွမ်းမဲ့ခဲ့သူ…။
တစ်နေ့တစ်လံလှမ်းနေပေမယ့်
ပုဂံဟာ ကိုယ်မရောက်ခင်မှာမှပျောက်သွားတယ်။

“နောက်ကျခဲ့သူ”တဲ့……………။
အဲဒီ…ငါ့ရဲ့သမိုင်းဟာ
ရာဇဝင်ထဲခပ်ရိုင်းရိုင်းတွင်လေဦးတော့ကွယ်။

ဝေးကြရမယ်ဆိုတာ ခရေတစ်ပွင့်စာလောက်တော့
အစောတည်းကကြိုသိခဲ့ပါတယ်။
ခုတော့လည်း အဲဒီလမ်းအိုလေးထဲမှာ
ခြေရာတစ်စုံသာ ကျန်တော့မယ်ထင်ရဲ့။

တော်ရာမှာသာပျော်ပါ ထိပ်ထားရယ်။
နင်ရေးဆွဲတဲ့သင်ရိုးထဲက ငါ့ရဲ့အခန်းကို
မှင်နီတစ်ကြောင်းသာခပ်ကြီးကြီးတားလိုက်ပါ။

မကျက်သေးတဲ့ ဒဏ်ရာကို တင်းတင်းဆုပ်ကိုင်ရင်း
ရွက်ကြွေတစ်ရွက်ပေါ် “မူး လဲ ကျ ကွဲ…။”
“ထိပ်ထားရယ်”လို့ မချိတင်ကဲနဲ့
အကြိမ်ကြိမ်ရေရွတ်နေခဲ့ရတယ်။

ပျော်ရာမဖြစ်တဲ့ဘဝမို့
ဖြစ်ရာမှာပဲပျော်အောင်နေပါတယ်။
နင်အားရင် အဲဒီလမ်းအိုလေးထဲလာကြည့်ပေါ့ထိပ်ထားရယ်။
အဲဒီမှာ ကိုယ့်ကိုကိုယ်မဖတ်တတ်တော့တဲ့
အက္ခရာတစ်လုံးရှိနေတယ်။

image

နေထိပန်းများနွမ်းကြသည်

          “မင်္ဂလာကဗျာထဲကလိုပေါ့ကွာ။ လူမိုက်ဆိုလျှင်၊ရှောင်သွေလွှဲလို့၊မမှီဝဲနဲ့ ကင်းအောင်နေ။ လူမိုက်ဆိုတာလည်း မျိုးစုံရှိတယ်။ဆေးလိပ်သောက်၊အရက်သောက်၊ဖဲရိုက်။ဒီလိုလူမျိုးတွေနဲ့ လုံးဝကို အပေါင်းအသင်း မလုပ်သင့်ဘူးကွဲ့ တပည့်တို့ရဲ့။မြင်တာနဲ့ကို ဝေးဝေးကရှောင်ပေါ့ကွာ။”
          စာသင်ခန်းထဲတွင် ဆရာ့အသံက လွှမ်းနေသည်။အသင်အပြကောင်းသူမို့ တစ်တန်းလုံး လိုလိုက အာရုံစိုက်နေကြသည်။
          အားလုံးထဲက ကျွန်တော်တစ်ယောက်ကသာ ကိုယ့်အတွေးနှင့်ကိုယ်ရှုပ်နေသည်။
          “မင်းတို့ဟာ ကျောင်းသားတွေဖြစ်တယ်။ ကျောင်းသားတွေရဲ့တာဝန်ဟာ စာလုပ်ဖို့……။ ဟုတ်ရဲ့လားဟေ့…။”
          “ဟုတ်ပါတယ်ဆရာ။”
          ကျောင်းသားများက ဆရာ့အမေးကို တခဲနက်တုံ့ပြန်ကြသည်။
          “ဒီတော့ စာသင်ချိန်မှာ အာရုံမစိုက်တဲ့သူဟာ လူမိုက်ပဲ…။ဒီအတန်းထဲမှာလည်း လူမိုက် တစ်ယောက် ရှိနေတယ်။”
          “ဘယ်သူလဲဆရာ…။”
          အတန်းထဲတွင် အမြဲတမ်းအဆင့်၁ရလေ့ရှိသည့် ယောက်ျားလေးတစ်ယောက်က ထမေး သည်။
          ဆရာ၏ခြေသံများက တဖြည်းဖြည်းနီးကပ်လာသလိုထင်ရသည်။
          “ကဲ…မင်းထ။ခုံပေါ်တက် မတ်တပ်ရပ်”
          ကတ္တီပါဖိနပ်ဝတ်ထားသည့် ဆရာ၏ခြေသံတစ်စုံနှင့်အတူ အမိန့်သံတစ်ခုကိုပါ တစ်ဆက် တည်း ကြားလိုက်ရသည်။
          အပ်ကျသံပင်မကြားရလောက်သည့် စာသင်ခန်းထဲတွင် ခုံတွန်းသံ၊နေရာရွှေ့သံများက ခဏချင်းမင်းမူ သွားသည်။
          “မင်းကိုငါကြည့်နေတာ အတော်ကြာပြီ။ငါစာသင်နေတဲ့အချိန် မင်းကငေးနေတယ်။ကဲ…ခု ပြောစမ်း။ငါပြောသွားတဲ့အထဲက ဘာတွေကို ဝေခွဲမရဖြစ်နေတာလည်း။”
          “ကျွန်တော် တကယ်ပြောရမှာလားဆရာ။”
          “မင်းကိုငါပြောလို့ ပြောနေတယ်လေ။မင်းနားလေးနေလား။”
          အသင်အပြကောင်းသလောက် ဒေါသကြီးတတ်သော ဆရာ့အသံက တစ်တန်းလုံး ဟိန်း သွားသည်။
          အချိန်ဆွဲနေလို့လဲ မရမည့်အတူတူ ကိုယ့်အတွေးကိုယ်ပြောလိုက်သည်။
          “ဆရာပြောသွားတာ မှားနေသလားလို့ပါ။”
          “ဘာ…”
          မထင်မှတ်သောစကားမို့ ဆရာကြောင်သွားသည်။
          “ဟုတ်ပါတယ်ဆရာ။မင်္ဂလာတရားတော်ဆိုလိုချင်တာက လူမိုက်တွေကို ဝေးဝေးကရှောင် ခိုင်းတာ မဟုတ်လောက်ပါဘူး။လူမိုက်တွေရဲ့အကျင့်တွေကို မမှီဝဲနဲ့ဝေးဝေးကရှောင်လို့ ပြောချင်တာ ဖြစ်မှာပါ။”
          “အောင်မာ…မင်းကများရာရာစစ။”
          “တကယ်တမ်းသာ လူမိုက်တွေကိုတွေ့တာနဲ့ ဝေးဝေးကရှောင်ခိုင်းရိုးမှန်ရင် ဒီကမ္ဘာမှာ ဒုစရိုက်တွေပိုဖြစ်လာမှာပါ။
          ဒီလူတွေဟာ လူမိုက်တွေပဲ။တို့ ဒီလူတွေနဲ့မပေါင်းဘူး။ဝေးဝေးကရှောင်နေမယ်ဆိုရင် လူ တွေက သူတို့ကို ဝိုင်းကျဉ်ထားတယ်ထင်ပြီး အဲဒီလူမိုက်တွေကအရွဲ့တိုက်ကြပါလိမ့်မယ်။
          အဲဒါရဲ့ ရလဒ်ကတော့ လူမိုက်တွေကလူဆိုးတွေဖြစ်၊ လူဆိုးတွေကဓားပြတွေဖြစ်၊ ဓားပြ တွေကသူပုန်တွေဖြစ်ပြီး ဒီကမ္ဘာကြီးမှာလည်း ဒုစရိုက်တွေပိုများလာမှာပါ။”
          “ဒီတော့ မင်းပြောချင်တာက ငါတို့မိဘဘိုးဘွားတွေ လက်ထက်ကတည်းက ပြောခဲ့တာ တွေ အကုန်လုံးက အမှားတွေပဲပေါ့ ဟုတ်လား။”
          ဒေါသကြောင့် တုန်ရီနေသည့်အသံဖြင့် ဆရာကမေးသည်။
          “ဆရာ့မိဘဘိုးဘွားတွေကလည်း အခုဆရာပြောသွားသလိုမျိုး ယူဆကြတယ်ဆိုရင်တော့ သူတို့လည်း နည်းနည်းမှားနေတယ်လို့ထင်ပါတယ်။
          စဉ်းစားကြည့်ပါဆရာ။မှားနေတဲ့သူကို လမ်းမှန်ပေါ်ရောက်အောင် တည့်မတ်ပေးဖို့အတွက် အနည်းဆုံးတော့ အဲဒီလူနဲ့မျက်နှာချင်းဆိုင်ရမှာပါ။ပြုပြင်ပေးလို့ရနိုင်တဲ့ အခြေအနေရှိပါလျက်နဲ့ ဒီလူ ကတော့ လူမိုက်မို့ဝေးဝေးကရှောင်မယ်လို့ ဆုံးဖြတ်တာဟာ တကယ်တော့ ကိုယ်လွတ်ရုန်းချင်တဲ့ အတ္တစိတ်သက်သက်ပါ။
          မင်္ဂလာတရားတော်ရဲ့ပိုင်ရှင်အစစ်ဖြစ်တဲ့ မြတ်စွာဘုရားဟာ အဲဒီလိုကိုယ်လွတ်မရုန်းချင်လို့ လူသားတွေကိုတရားပြခဲ့တာပါ။ အဲဒီလိုကိုယ်လွတ်မရုန်းချင်လို့ လေးအသင်္ချေနဲ့ ကမ္ဘာတစ်သိန်းတိတိ ပါရမီတွေဖြည့်ခဲ့တာပါ။
          ဆရာပြောသလို လူမိုက်မြင်တာနဲ့ ဝေးဝေးကရှောင်ကြေးသာဆို အင်္ဂုလိမာလကြီးလည်း လက်ညှိုးဖြတ်တဲ့ လူသတ်သမားအဖြစ်နဲ့ပဲ ဘဝဇာတ်သိမ်းခဲ့မှာပါ။ကျွန်တော်တို့တွေလည်း တရားဓမ္မ ဆိုတာကို သေသာသွားမယ် ကြားဖူးလိုက်ကြမှာမဟုတ်ပါဘူး။အဲဒါကြောင့်ဆရာပြောသွားတာ မှားနေ တယ်လို့ ပြောတာပါ။”
          ဆရာ့မျက်နှာတစ်ခုလုံး မီးတွေထတောက်တော့မတတ် နီရဲလာသည်။
          သိပ်မကြာလိုက်။ကျွန်တော့်ကျောပြင်ပေါ်သို့ဆုအဖြစ် ထားဝယ်ကြိမ်သုံးချက်တိတိ ကျလာ သည်။
          ဆုချပြီးသောအခါမှ ဆရာကပြောသည်။
          “မင်းသိထားဖို့က မင်းထက်တော်တဲ့ အဆင့်၁တောင်မှ ငါ့ကိုဒီလိုပြန်မပြောဖူးဘူး။”
          ထိုသို့ပြောပြီးနောက် ဆရာတစ်ယောက် ချာခနဲလှည့်ထွက်သွားသည်။
          သူ့ပစ္စည်းများကိုထုပ်ပိုးပြီး အတန်းကိုပင်နှုတ်မဆက်ပဲ ထွက်သွားသည်။
          အတန်းလည်း ဆင်းလေပြီ…။
          ကျွန်တော့်ကျောကုန်းကတော့ ကြိမ်ဒဏ်ကြောင့် စပ်ဖျင်းဖျင်းဖြစ်နေသည်။ကိစ္စမရှိ…။အိမ် ရောက်မှ အမေ့ကိုဆေးထည့်ခိုင်းရမည်။နောက်ပြီး…ဆရာပြောသွားသည့် “မင်းထက်တော်တဲ့အဆင့်၁” ဆိုသည့် ဝေါဟာရအား အဖေ့ကိုပြန်ရှင်းခိုင်းရမည်။
          အတန်းပညာထူးချွန်ရုံနှင့် အရာရာအားလုံးပြည့်စုံသည်။ဒီလို……သတ်မှတ်လို့ရပါသလား။ လောကမှာ အတန်းပညာထက် အရေးကြီးသည့် အခြားပညာရပ်တွေကော မရှိဘူးလား။မြင်းစီးတာပဲ ကျွမ်းကျင်တဲ့သူကို လှေသူကြီးလုပ်ခိုင်းလိုက်ရင်ကော အဲဒီမြင်းသမားရဲ့ထူးချွန်မှုဟာ အရာရောက်ပါ့ မလား။
          ကျွန်တော့်ခေါင်းထဲမှာတော့ အဖြေရှာမရသေးသည့် မေးခွန်းပေါင်းမြောက်များစွာ…………။

image

အယောင်ဆောင်လောက

မီးရောင်စုံအောက်မှာ
မျက်နှာဖုံးတပ်ပြီး
ဇာတ်ညွှန်းထဲကစကားတွေ
ကျွန်တော်ပြောနေတယ်။

အသက်မဲ့တဲ့ကျွန်တော့်စကားသံနဲ့
အသက်မဲ့တဲ့ကျွန်တော့်အပြုံးကိုမှ
“ကမ်းပေ့”လာလုပ်ကြတယ်။

ယဉ်ကျေးမှုဆိုတဲ့ခေါင်းစဉ်အောက်မှာ
လူတွေတစ်ယောက်နဲ့တစ်ယောက်သူတို့လက်တွေကို
ဆွဲကိုင်ခါယမ်းနေကြတယ်။
အရေးမပါတဲ့ဒီအပြုအမူအတွက်လည်းဂုဏ်ယူနေကြပုံပဲ။
အဓိကကျတဲ့အပြုံးတစ်ပွင့်အတွက်တော့
မျက်နှာဖုံးတွေတပ်ဆင်လာခဲ့ကြရဲ့။

တရင်းတနှီးပြောနေကြတဲ့စကားဝိုင်းတွေက
“အဲယားကွန်း”နဲ့အပြိုင်အေးစက်နေကြတယ်။
တစ်ခါတစ်ခါကျောရိုးထဲတောင်စိမ့်လို့။

ယမ်းငွေ့ဝေနေတဲ့မျက်ဝန်းတွေနဲ့မလိုက်အောင်ကို
လူတွေဆိုတာ စကားပြောတတ်လိုက်ကြတာ…
လေထုထဲမှာတော့”ငြိမ်းချမ်းရေးချိုးဖြူငှက်”တွေ
တော်တော်လေးကိုဖောင်းပွနေပြီ။

ဘာတွေလဲ……………………။
မှောင်မိုက်တဲ့ကောင်းကင်ကလည်း
လေထုနဲ့ပေါင်းပြီးပြာချင်တယ်။
အာနိသင်မရှိတဲ့ရေကလည်း
သူ့ကိုယ်သူအရက်လုပ်ပြီးမူးချင်ရဲ့။
လောကကြီးကတော်တော်မာယာများတယ်။

အခမ်းအနားပြီးဆုံးတော့
လက်ခုပ်သံတွေနဲ့သြဘာပေးကြတယ်။
ပြည်ဖုံးကားကတော့တဖြည်းဖြည်းကျခဲ့။

image