လျော့

          နေခြည်က ဖျော့တော့တော့နှင့် ရွှေရောင်သမ်းနေသည်။ ဆောင်းရာသီမို့ မြူအချို့ဆိုင်း နေသော်လည်း သိပ်မကြာခင် နေပူလာတော့မည်။
          မနက်၇နာရီ…။
          လူကုံထံရပ်ကွက်နားက ဈေးဖြစ်သဖြင့် ဒီအချိန်ဆိုလူကျဲသည်။ ဈေးသည်များကတော့ ဝယ်သူရှိရှိ၊မရှိရှိ သူတို့ကုန်များအရောင်းထွက်ရန် အပြိုင်အဆိုင်ဈေးခေါ်နေကြသည်။
          ဒီနေ့ကသောကြာနေ့…။ရှင်းရှင်းပြောရလျှင် ကျွန်တော်ဟင်းချက်ရမည့်နေ့။
          ကျွန်တော်ကဆန်းသည်။ယောက်ျားလေးတန်မဲ့ ငယ်ငယ်လေးတည်းက ဟင်းချက်ရတာ ကို နှစ်သက်သည်။တခြားသူများက စစ်တိုက်တမ်းကစားနေချိန်တွင်၊ကျွန်တော်က ထမင်းချက်တမ်း ကစားသည်။စစ်တိုက်တန်းကိုတော့ ရံဖန်ရံခါမှပင် ကစားသည်။
          ၁၀တန်းအောင်ပြီးနောက်တွင်တော့ တစ်ပတ်ကိုတစ်ရက်ဟင်းချက်သည်။၎တန်းလောက် ကတည်းက ဟင်းဘယ်လိုချက်ရမည်ဆိုတာကို လေ့လာထားသဖြင့် အသားကိုင်၊ငါးကိုင်ရတာက အမှု ထားစရာမလိုတော့…။
          ပုံမှန်ဆို ကျွန်တော်ကဈေးသွားလေ့သွားထမရှိ…။ကျွန်တော်ချက်မည့်ဟင်းအမယ်အတွက် လိုတာတွေကို စာရင်းလုပ်ထားလိုက်သည်။ဒီစာရင်းအတိုင်း မမနှင့်အိမ်ကကောင်မလေးတစ်ယောက် က သွားဝယ်သည်။
          ဒီနေ့တော့ မမနှင့်ဈေးသွားနေကျကောင်မလေးက ဖျားနေသည်။ကျန်သူများကလည်း အလေးအပင် သိပ်မနိုင်သူများမဟုတ်…။ဆိုတော့…။ဈေးခြင်းတောင်းဝိုင်းဆွဲရန် မမကကျွန်တော့်ကို ဈေးခေါ်သွားသည်။
          အဲဒီမှာပြဿနာကစသည်။ရှုပ်ရှက်ခတ်နေသော လူအုပ်ကြီးကိုကြည့်ရင်း ခေါင်းတွေမူးနေ သည်။ထိုအကြောင်း မမကိုပြောတော့ မမကပြန်ပြောသည်။”ဒီအချိန်က လူအရှင်းဆုံး”တဲ့။
          နောက်တော့ ဆုံးဖြတ်ချက်ချလိုက်သည်။ဒီအထိရောက်လာခဲ့ပြီးမှတော့ လှည့်ပြန်လို့လဲ ရမည်မထင်။ဘာမှမထူးမည့်အတူတူတော့ ကိုယ့်နားထင်ကိုယ်ပွတ်ရင်း ဝယ်စရာရှိတာတွေ ခပ်သုတ် သုတ် ဝယ်ပြီးပြန်ဖို့ စိတ်ကူးလိုက်သည်။
          “မမ ဟိုမှာ ကြက်သားသည်တွေ့ပြီ။ကျွန်တော်တို့ ကြက်သားဝယ်ရမယ်လေ။”
          “အာ…အဲဒီအသည်ကရေထိုးတယ်ဟ။ဗမာကြက်ထဲမှာ အဲဒီလောက်ကြီးတဲ့ကြက် နင်တွေ့ ဖူးလို့လား။”
          ကျွန်တော့်အကြံကို မမကပယ်ချသည်။ရေထိုးသည်တဲ့။
          ဟုတ်တော့ ဟုတ်လောက်သည်။ဗမာကြက်ရယ်လို့ အော်ရောင်းနေပေမယ့် အကောင်က အတော်ကြီးသည်။နောက်ပြီး အသားကလည်း ဖြူဖြူဖျော့ဖျော့၊ပွစိပွယောင်းကြီး…။
          ထို့နောက် နောက်ထပ်တစ်သည်ထပ်တွေ့သည်။ပထမတစ်ခေါက်ကလို ခံရမည်စိုးသဖြင့် ကြက်ကိုလှမ်းကြည့်လိုက်သည်။စစ်လောက်သည်။ပွစိစိဖြစ်မနေ။အကောင်လည်းသေးသည်။
          “မမ ဟိုမှာတစ်သည်…။ဒီတစ်ခါတော့ စစ်လောက်တယ်။”
          “အဲဒီအသည်ကျတော့ အလေးခိုးတယ်ဟ။ဒီမှာနားထောင်မောင်လေး အသားငါးဝယ်ပြီဆို ချိန်ခွင်ကိုလက်နဲ့ကိုင်ထားတဲ့ အသည်ဆီမှာ ဘယ်တော့မှမဝယ်နဲ့။ချိန်ခွင်လျှာကို ကိုယ်လိုချင်တဲ့ဖက် ထွက်နေအောင် လက်နဲ့လုပ်လို့ရတယ်။”
          ကျွန်တော် မျက်စိနည်းနည်းလည်သွားသည်။တစ်သက်နဲ့တစ်ကိုယ် ချိန်ခွင်ကိုဒီလိုလုပ်လို့ ရသည်ဟု ပထမဆုံးကြားဖူးလိုက်၍ဖြစ်သည်။
          သို့နှင့်တတိယတစ်ဆိုင်…။အသားကလတ်သည်။ရေမထိုးလောက်။ချိန်ခွင်ကိုကြည့်သည် လက်နဲ့ကိုင်မထား။ဆိုင်ခေါင်မိုးပေါ်က ကြိုးတစ်ချောင်းချထားပြီး ထိုကြိုးတွင်ချိန်ခွင်ချိတ်ထားသည်။
          အဆင်ပြေပြီ……။မမကို လက်ညှိုးထိုးပြလိုက်သည်။ မမလည်း လေ့လာနေပုံရသည်။ နောက်တော့ ဆိုင်ထဲသို့ဝင်လိုက်သည်။
          တော်သေး၏။မမဝယ်နေကျဆိုင်အထိ သွားဝယ်ရလျှင် အတော်လမ်းလျှောက်ရဦးမည်။ မမ ဝယ်နေကျဆိုင်က ဟိုး…အတွင်းပိုင်းမှာရှိသည်ကိုး။
          “ကြက်သားဘယ်ဈေးလဲ။”
          “တစ်ဆယ်သား(……)ပါ ညီမလေး။”
          ကျွန်တော်ပျော်သွားသည်။ ဈေးတောင်မေးနေပြီဆိုတော့ ဝယ်ဖြစ်ဖို့ကသေချာသလောက် ရှိနေပြီ။
          သို့သော် ကျွန်တော့်အပျော်တို့က သိပ်မကြာလိုက်။မမက ကျွန်တော့်ကိုမျက်ရိပ်ပြသည်။ သဘောက”သွားကြစို့”ဆိုသည့်သဘော။
          ထိုဆိုင်နှင့် ခပ်လှမ်းလှမ်းရောက်တော့မှ မမကိုကျွန်တော်မေးသည်။
          “မမရာ ဒီတစ်ခေါက်ကျတော့ ဘာထပ်ဖြစ်ရပြန်တာလဲ။”
          “ဒီတစ်ခါကျတော့ ချိန်ခွင်မှာပြဿနာမရှိဘူး။အလေးမှာရှိတာ။သူသုံးတဲ့အလေးကို သတိ ထားပြီးကြည့် ပါးလွှာနေတာပဲ။”
          မမက စိတ်ရှည်လက်ရှည်ရှင်းပြသည်။ကျွန်တော်ကတော့ ခိုးနည်းအမျိုးမျိုးကို မကြားစဖူး ကြားနေရသည်။
          နောက်ဆုံးတော့ ဝေးပါသည်ဆိုသည့် မမဝယ်နေကျဆိုင်မှာပဲ ကြက်သားဝယ်ဖြစ်သည်။ အခြားလိုအပ်သည့် အသား၊ငါးများကိုလည်း ထိုနားတစ်ဝိုက်မှာပင်ဝယ်သည်။
          ထို့နောက် ကျွန်တော်စိတ်ကူးထားသည့် ကန်စွန်းရွက်ဝယ်ရန် အသီးအရွက်တန်းဆီသို့ ခြေဦးလှည့်လိုက်သည်။

          “ကန်စွန်းရွက်ငါးစည်းပေးပါ။”
          မမကသူဝယ်နေကျဆိုင်မို့ ဈေးမေးမနေတော့။ကျွန်တော်လည်း ကျသင့်ငွေကိုပေးချေပြီး ဆိုင်ထဲမှပြန်ထွက်မည်အလုပ်…………။
          “မောင်လေး ဟိုဖက်ဆိုင်ကိုကြည့်လိုက်စမ်း။ဆိုင်ရှင်ကအရွက်တွေကို ရေစွတ်ပေးနေတာ တွေ့လား။”
          တိုးတိုး တိုးတိုးနှင့် ကျွန်တော့်နားကပ်ပြီးလာပြောသည်။
          “ဟုတ်”
          “အေး…အဲဒါ ဘာလုပ်နေတာလဲဆိုတာ ပြီးရင်ပြောမယ်။”
          ပထမတုန်းကအတိုင်း တိုးတိုးလေးပြောပြီး ရှေ့မှဦးဆောင်ကာထွက်သွားသည်။ထိုဆိုင်နှင့် ခပ်လှမ်းလှမ်းရောက်မှပြောသည်။
          “ခုနတုန်းက အသီးအရွက်တွေကို အဝတ်စတစ်ခုနဲ့ ရေစွတ်ပေးနေတာတွေ့ခဲ့တယ်နော်  မောင်လေး။”
          “ဟုတ် မမ”
          “အေး အဲဒီရေတွေက ရိုးရိုးရေတွေဖြစ်ဖို့ ရာခိုင်နှုန်းတော်တော်နည်းတယ်။”
          “ဘယ်လို မမ ရိုးရိုးရေမဟုတ်ရင် အဲဒါဘာရေတွေလဲ။”
          ကျွန်တော်ခေါင်းထပ်မူးသွားသည်။”ရိုးရိုးရေဖြစ်ဖို့ ရာခိုင်နှုန်းအတော်နည်းသည်”ဆိုပဲ။
          “ဒီလိုဟ။အရွက်တွေဆိုတာက အချိန်ကြာသွားရင် နွမ်းသွားရော။ဥပမာ ကန်စွန်းရွက်ပေါ့။ ဒီလိုအခါမျိုးကျရင် ပြန်လန်းလာအောင်လုပ်ဖို့ နည်းတစ်နည်းရှိတယ်။”
          “ဘာနည်းလဲဟင် မမ”
          မမစကားကို ကျွန်တော်စိတ်ဝင်စားသွားသည်။
          “ဓာတ်မြေသြဇာတစ်ခုရှိတယ်။အဲဒါကိုရေနဲ့ဖျော်။ပြီးရင်အဝတ်တစ်ထည်ကို အဲဒီရေထဲနှစ်။ ရေညှစ်။ နောက်ဆုံးအဆင့်က ကိုယ်လန်းစေချင်တဲ့ အရွက်ပေါ်ကို အဲဒီအဝတ်အုပ်ပြီးတစ်ညသိပ်။ မနက်လင်းရင် နင့်အရွက်တွေပြန်လန်းပြီ။”
          “ဟာ ကောင်းလှချည်လားမမရဲ့။ဒါဆို ခုနစွတ်နေတဲ့ရေတွေက…………။”
          “ဟုတ်တယ်။ဓာတ်မြေသြဇာရေတွေဖြစ်ဖို့များတယ်။”
          “သြော်…အဲဒါကြောင့်မို့ မမက ရိုးရိုးရေတွေ မဟုတ်လောက်ဘူးလို့ ပြောတာကိုး…။”
          ကျွန်တော့်ခေါင်းထဲ ရှင်းရှင်းလင်းလင်း သဘောပေါက်သွားရသည်။ဒါကလည်း ခိုးနည်း တစ်မျိုးဟု ပြောမယ်ဆိုပြော၍ရသည်။
          ဘာပဲပြောပြော။ဝယ်စရာရှိတာ အားလုံးဝယ်ပြီးသွားသဖြင့် လူကအတော့ကိုလွတ်လပ် သွားသည်။
          “ကဲ…မမ ပြန်ကြစို့။”
          “အေးပါ ပြန်ကြမယ်။ဒါပေမယ့် ငါဗိုက်ဆာနေပြီ။နင်ရော ဗိုက်မဆာဘူးလား။
          မမ ပြောမှသတိရသည်။နာရီကိုပြန်ကြည့်မိတော့ ၉နာရီထိုးဖို့၁၅မိနစ်။
          အစတုန်းကတော့ ကိုယ့်အပူနှင့်ကိုယ်မို့မသိသာ။ခုမှသာ ဗိုက်ထဲမှ ပိုးမျိုး၈၀က ထကြွ သောင်းကျန်းလာကြသည်။
          “လာပါဟယ်။နင့်ကိုငါဝယ်ကျွေးမယ်။ဒီဈေးထဲက မုန့်ဟင်းခါးတော်တော်ကောင်းတယ်ဟ။”
          မုန့်ဟင်းခါးသံ ကြားလိုက်ရ၍ နဂိုဆာနေသောဗိုက်က ပို၍ဆာလာသည်။ဟန်ဆောင်၍မရ တော့။
          “ကဲပါလေ။ကျွန်တော်လဲဆာနေပြီ။သွားကြတာပေါ့။”
*   *   *   *   *   *   *   *   *
          မုန့်ဟင်းခါးကကောင်းလွန်းလှသည်။ဘယ်လိုကဘယ်လို တစ်ပွဲကုန်သွားမှန်းမသိ။ပုံမှန်ဆို မုန့်ဟင်းခါးတစ်ပွဲစာသာဆံ့သောဗိုက်က ယခုတော့ လိုက်ပွဲနှစ်ပွဲထပ်တောင်းရသည်အထိပင်။
          ဗိုက်ဝသွားတော့ခေါင်းကပြန်ကြည်လာသည်။မမကတော့ မိန်းကလေးသဘာဝ အိနြေ္ဒရရ စားနေသဖြင့် ခုချိန်ထိ တစ်ပွဲတောင်မကုန်သေး။
          ဗိုက်ဝသွားတော့မှ ပတ်ဝန်းကျင်ကိုဂရုစိုက်မိသည်။မလှမ်းမကမ်းမှာလည်း မုန့်ဟင်းခါးဆိုင် တစ်ဆိုင်ရှိသည်။ဒီဆိုင်ထက်တောင် လူပိုစည်သေးသည်။တချို့ဆို ထိုင်စရာမရှိသဖြင့် မတ်တပ်အနေ အထားနှင့် စားနေရသည်။
          “ကောင်လေးရေ လာဦးဟေ့။မုန့်ဟင်းရည်လေးနည်းနည်းပေးပါဦး။”
          ကျွန်တော်တို့နှင့် မလှမ်းမကမ်းရှိ ဝိုင်းတစ်ခုမှ ဟင်းရည်အဆစ်တောင်းသံ ကြားလိုက်ရ သည်။
          အဆစ်တောင်းသူကို လှမ်းကြည့်လိုက်တော့ အသက်၄၀အရွယ် အန်တီကြီးတစ်ယောက်။ ကျွန်တော်စိတ်ပျက်ပျက်နှင့် ခေါင်းယမ်းမိသည်။
          “ဟဲ့ ဘာတွေ ခေါင်းခါနေတာလဲ။”
          မမကမေးသည်။
          “ခေါင်းခါတာမဟုတ်ဘူးမမရဲ့။ခေါင်းယမ်းတာ။”
          “အောင်မလေးဟဲ့ ကြီးကြီးကျယ်ကျယ်။လုပ်စမ်းပါဦး ဘာလို့ ခေါင်းယမ်းတာလဲ။”
          “ဟိုဖက်ဝိုင်းကအန်တီကြီး ဟင်းရည်အဆစ်တောင်းတာ မမကြားတယ်မဟုတ်လား။မဝရင် ထပ်ဝယ်စားပေါ့။အဲဒီလိုမျိုး အဆစ်တောင်းတာက ရှင်းရှင်းပြောရရင် ဈေးသည်ဆီကပစ္စည်းကိုခိုးတာ လို့တောင် ပြောလို့ရတယ်။”
          “မေးမယ့်သာမေးတာပါ။နင်ဘာကြောင့် ခေါင်းခါတယ်ဆိုတာ ငါရိပ်မိပါတယ်။”
          မမက ပြုံးရင်းပြောသည်။ထို့နောက် သူမကပင်ဆက်၍
          “ဟုတ်တယ်ဟ။လူတွေကလဲ လူတွေပဲ။အဲဒီလို အဆစ်တောင်းတော့ ဈေးသည်တွေက လည်း အပြည့်ထည့်ပေးရမယ့်အစား လျှော့ပြီးထည့်ပေးကြတာပေါ့။ဒီလိုလျှော့လေ၊အဆစ်တောင်းလေ အဆစ်တောင်းလေ၊လျှော့လေနဲ့ သံသရာကလည်နေတာ။”
          “ဈေးသည်တွေခိုးတတ်အောင်ပဲ လူတွေရဲ့ အပြုအမူတွေက မြောက်ထိုးပင့်ကော် လုပ်နေ သလိုဖြစ်နေပြီ မမရဲ့”
          ကျွန်တော်လည်း တွေးတွေးဆဆပြောမိသည်။
          “ကဲ ကဲ ကိုယ်တော်။ထတော့။ဟင်းချက်ရဦးမယ်။အချိန်က တော်တော်တောင်နောက်ကျ နေပြီ”
          မမက စကားစကိုဖြတ်သည်။ထို့နောက် ကျသင့်ငွေကိုရှင်းကာ ဆိုင်ထဲမှထွက်လာခဲ့သည်။
*   *   *   *   *   *   *   *   *
          မနက်၉နာရီထိုးနေက အတော်ကိုပူသည်။ ဈေးထဲမှာကလည်း ထီးဆောင်း၍မရသဖြင့် မဆောင်းခဲ့။လမ်းကလည်းတောက်လျှောက်ကိုလျှောက်နေရသဖြင့် ကျောကုန်းတစ်ဝိုက်တွင် ချွေးတို့က ရွှဲရွှဲစိုနေသည်။
          အိမ်နှင့်ဈေးကသိပ်မဝေးသဖြင့်သာတော်တော့သည်။ထို့ပြင် သစ်ပင်ရိပ်လေးများကလည်း ရှိနေသဖြင့် နေရောင်ကသိပ်မကျ။
          ထိုစဉ်……။
          “ဟဲ့ မုန့်ဟင်းခါးစားလို့ကောင်းလား။”
          “ဟုတ် ကောင်းတယ်မမ။သြော် ဒါနဲ့ မုန့်ဟင်းခါးဆိုမှသတိရတယ်။ကျွန်တော်တို့ စားတဲ့ ဆိုင်ရဲ့ ဟိုဖက်မှာလည်း မုန့်ဟင်းခါးဆိုင်တစ်ဆိုင်တွေ့တယ်နော်။”
          “အင်းဟုတ်တယ်။အဲဒီဖက်ဆိုင်ကမုန့်ဟင်းခါးက ပိုအရသာရှိတယ်”
          “ဟင်…ပိုအရသာရှိတယ်လဲပြောသေးတယ်။ကျွန်တော့်ကိုကျတော့ ဘာလို့မကျွေးတာလဲ။”
          မမ စကားကြောင့် မမကိုပြန်မေးမိသည်။
          “သြော်…နင်မှမသိပဲ။အဲဒီဆိုင်က မုန့်ဟင်းခါးထဲကို ငါးတင်မကဘူး အမဲရိုးတွေပါ ထည့်ပြီး ပြုတ်တာဟ။အဲဒီတော့ အရသာပိုရှိတာပေါ့။”
          “ဘယ်လို မမ။အမဲရိုးတွေ ဟုတ်လား”
          “ဟုတ်ပါ့ရှင်။နောက်ပြီး အမဲအညှီနံ့မပေါ်အောင် စပါးလင်နိုင်နိုင်ထည့်၊ဆီနာနာသတ်တဲ့ အတွက် ပိုမွှေးပါသတဲ့ရှင်။ကဲ ဘာသိချင်သေးသတုန်း”
          မမစကားကြောင့် ကျွန်တော်ငိုင်သွားမိသည်။ပေးလိုက်ရသည့် တန်ဖိုးနှင့်မမျှအောင်ကို ကုန်ပစ္စည်းများ၏ အရည်အသွေးတို့က လျော့လွန်းမကလျော့နေကြ၏။အရည်အသွေး မလျော့တော့ အခြင်အတွယ်တွေက လျော့ပြန်သည်။
          “ဒီနေ့တစ်နေ့လုံး ဈေးလိုက်ခဲ့ရတာ ကြားရသမျှတော့ အထူးအဆန်းတွေပဲမမရယ်။ တန်ရာတန်ကြေးပေးပြီး ဝယ်တယ်ဆိုတာထက်စာရင် မတန်ရာမတန်ကြေးပေးပြီးဝယ်တယ်လို့တောင် ပြင်ပြောရမယ့်ပုံပေါက်နေပြီ”
          “ဟာဟ။ငါ့မောင်တောင် အတော်သိသွားပြီပဲ”
          ကျွန်တော့်ကိုပြောပြီး သူ့စကားသူသဘောကျ၍လားမသိ။တစ်ယောက်တည်း ရယ်နေ၏။
          “ဒါပေမယ့် မမဝယ်နေကျဆိုင်တွေလိုမျိုး အခြင်အတွယ်လည်းမှန်၊အရည်အသွေးလည်းမှီ၊ ဈေးလည်းမကြီးတဲ့ဆိုင်မျိုးတွေ ရှိနေသေးတယ်ဆိုတော့ တော်ပါသေးတယ်လေ”
          ထိုစကားကြားတော့ မမထပ်ရယ်ပြန်သည်။
          “မမ………။ဘာလို့ရယ်တာလဲ။ကျွန်တော်ပြောတာ ရယ်စရာလည်းမပါပဲနဲ့”
          ပြန်မဖြေ။ပါးစပ်ကို လက်ဝါးနှင့်အုပ်ရင်း တသိမ့်သိမ့်ရယ်နေသည်။
          ရယ်၍အားရတော့မှ ကျွန်တော့်ကိုပြန်ဖြေသည်။
          “ငါဝယ်နေကျဆိုင်တွေကရော အလေးပြည့်ပါတယ်လို့ ဘယ်သူပြောလဲ။ဒီတစ်ဈေးလုံးနဲ့ စာရင် သူတို့ကအလေးသိပ်မခိုးလို့ငါဝယ်တာ။နင်မယုံရင် ချိန်ခွင်တစ်လက်နဲ့ သမာဓိအလေးတွေယူပြီး ကိုယ်တိုင်ချိန်ကြည့်။အနည်းနဲ့အများတော့ လျော့တာချည်းပဲ”
          မမ စကားအဆုံးမှာတော့ ကျွန်တော်ပြန်ငိုင်ကျသွားသည်။လက်ထဲက ဈေးခြင်းတောင်း တောင် ပေါ့ရွှတ်ရွှတ်ဖြစ်သွားသယောင်……………။

image

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s