Monthly Archives: February 2015

လူမှုရေစီးကြောင်းထဲ၌ကူးခတ်ခြင်း

          တစ်ခါတုန်းက ဆရာတပည့်နှစ်ယောက် ခရီးတစ်ခုထွက်ကြပါတယ်။
          ဒီလိုနဲ့ ညတစ်ထောက်နားဖို့ တည်းခိုစရာ တည်းခိုအိမ်ကိုရှာကြတော့ တည်းခိုအိမ်လေး တစ်အိမ်ရှာတွေ့ခဲ့ပါတယ်။
          အိမ်ရှင်တွေက အတော့်ကိုနွေးထွေးပျူငှာပါတယ်။ညစာကိုတစ်ဝိုင်းတည်းစားပြီး မိတ်ဆွေ ရင်းချာတွေလို ရယ်ကြမောကြနဲ့ပေါ့။
          စကားစမည်ပြောကြည့်တော့မှ သိရတာက သူတို့မိသားစုမှာ ကလေးတွေကပဲ၆ယောက်၊ အဖေနဲ့အမေပါ ပေါင်းလိုက်ရင် စုစုပေါင်း၈ယောက်ရှိပါသတဲ့။
          အိမ်ကကျယ်ဝန်းတယ်ဆိုပေမယ့် ၈ယောက်လောက်ရှိတဲ့ မိသားစုကြီးအတွက်ကတော့ အတော့်ကို ကျပ်ကျပ်သည်းသည်းနဲ့နေရမှာပါ။အထူးသဖြင့် သူတို့လို ဧည့်ခန်း၊အိပ်ခန်း သပ်သပ်စီ ခွဲထားတဲ့မိသားစုတွေမှာပေါ့။
          မတိုင်ပင်ပဲနဲ့ ဆရာတပည့်နှစ်ယောက်လုံး ပြိုင်တူစဉ်းစားလိုက်မိတာက အခန်းကျဉ်းလေး ၅ခန်းထဲမှာ ဒီ၈ယောက်လုံး ဘယ်လိုများအိပ်ကြသလဲဆိုတာကိုပါပဲ။
          ဒီလိုနဲ့ ညအိပ်ချိန်ရောက်လို့ အိပ်ယာဝင်တော့မယ်ဆိုကာမှ ဆရာတပည့်နှစ်ယောက်လုံး သူတို့သိချင်တဲ့အဖြေကို ရှင်းရှင်းလင်းလင်းသဘောပေါက်ကြပါတော့တယ်။
          အိပ်ခန်းတွေက ကျဉ်းကျဉ်းလေးတွေဆိုပေမယ့် နှစ်ထပ်အိပ်စင်လေးတွေနဲ့ပါ။
          အဲဒီမှာ ပြဿနာကစတာပါပဲ။အရင်က ကြမ်းတစ်ပြေးတည်း အတူတူအိပ်နေကျ ဆရာနဲ့ တပည့်က ဒီလိုအိပ်စင်နဲ့အိပ်ရတော့မယ်ဆိုတော့ ဘယ်သူ့ကိုအပေါ်ကထားပြီး သိပ်လို့သိပ်ရမှန်းမသိ ဖြစ်နေကြပါရဲ့။
          နောက်ဆုံးတော့ အသက်လည်းကြီး၊သမားဂုဏ်ကလဲရှိနေတဲ့ ဆရာဖြစ်သူကပဲ အပေါ်မှာ တက်အိပ်ရပါတော့တယ်။
          မိုးစင်စင်လင်းခဲ့ပါပြီ။တစ်ညတာတည်းခိုခွင့်ပေးခဲ့တဲ့ အိမ်ရှင်လင်မယားကိုလည်း ကျေးဇူး တင်စကားဆိုရင်း၊မဆုံးသေးတဲ့ ခရီးကိုလည်း ဆက်ရင်းပေါ့။
          ခရီးထွက်လို့ ခရီးတော်တော်ပေါက်မှ တပည့်ဖြစ်သူက စသတိထားမိပါတယ်။
          ပုံမှန်ဆို သူ့ဆရာဟာ အမြဲတစေ တက်ကြွနေတတ်သူပါ။ဒီနေ့ကျမှ အားမရှိသလိုဖြစ်နေ ပြီး ပါးစပ်ကလည်း တဝါးဝါးနဲ့သမ်းနေပါတယ်။
          ဘာကြောင့်ဒီလိုဖြစ်တာလဲလို့ ဆရာ့ကိုမေးကြည့်တော့ ဆရာဖြစ်သူကပြောပါတယ်။
          “မင်းကတော့ငါ့ကို ဆရာဖြစ်လို့ဆိုပြီး အမြင့်ကနေခိုင်းတယ်။ဒါပေမယ့် ညညဆိုဆီးမထိန်း နိုင်တဲ့ငါက ခက်ခက်ခဲခဲနဲ့ အိပ်စင်ပေါ်ကဆင်းပြီး အိမ်သာဆီသွား၊နောက်တစ်ခါ အိပ်စင်ပေါ်ကို ခက်ခက်ခဲခဲပြန်တက်။၃ခါလောက် အဲဒီလို တက်လိုက်ဆင်းလိုက် လုပ်အပြီးမှာတော့ ငါ့မျက်လုံးက အတော်ကြောင်သွားပြီ။ဒီလိုနဲ့ပဲ ငါမနေ့ညက တစ်ရေးမှ မအိပ်ခဲ့ရပဲ မိုးလင်းခဲ့တယ်ဆိုပါတော့ကွာ။”

          ပုံပြင်ကတော့ ဒီလောက်ပါပဲ။
          မေးစရာရှိနေတာက ရွေးချယ်မှုတွေအကြောင်းပါ။
          စာအုပ်တွေထဲမှာပါတဲ့ ဓလေ့ထုံးစံ၊ ယဉ်ကျေးမှု၊ အစဉ်အလာတွေဟာ လူမှုဘဝကို အထောက်အကူပြုပါတယ်။ဒါပေမယ့် လူမှုဘဝထဲကပြဿနာတွေကို စာအုပ်ကြီးအတိုင်း ဖြေရှင်းဖို့ ဆို တာကတော့ ဘယ်လိုမှမဖြစ်နိုင်တဲ့ကိစ္စပါ။
          ဓလေ့ထုံးစံတချို့ဟာ လက်တွေ့ဘဝနဲ့လဲ မအပ်စပ်ဘူး၊ အဲဒီထုံးစံကြောင့်ပဲ ဆိုးကျိုးလည်း ဖြစ်စေနိုင်တယ်ဆိုရင် အဲဒီဓလေ့ထုံးစံကို ဘေးချိတ်ထားနိုင်ဖို့ အဆင်သင့်ရှိနေသင့်ပါတယ်။
          ဥပမာပြောရရင် ကွမ်းယဉ်ကျေးမှုဆိုပါတော့။
          ရှေးယခင်မြန်မာကြီးတွေက ကွမ်းစားကြပါတယ်။
          ကွမ်းဆိုတာကလဲ ရှင်ဘုရင်လိုပုဂ္ဂိုလ်မျိုးကတောင် အရေးတယူနဲ့ အလေးပေးခဲ့ရတဲ့ စားစရာတစ်မျိုးဖြစ်ပါတယ်။
          ကွမ်းနဲ့ပါတ်သက်ပြီး ခန့်အပ်ခဲ့တဲ့ ရာထူး၊ဌာန္တရတွေလည်း အတော်များများကိုရှိခဲ့ပါတယ်။ ကွမ်းအစ်၊ကွမ်းကလပ် စတာတွေနဲ့အတူ ဘုရင့်နောက်တော်ပါးမှာ အမြဲလိုလိုနေရတဲ့ ကွမ်းတော်ဆက် ရာထူးမျိုးတွေ၊ ကွမ်းတွေကိုသယ်ပို့ရတဲ့ ကွမ်းဆော်ရာထူးမျိုးတွေဟာ ကွမ်းနဲ့ပါတ်သက်ပြီး ရှေးမြန်မာ တို့ရဲ့ အလေးပေးမှုတွေပါ။
          ဒါ့အပြင်ကွမ်းနဲ့ပါတ်သက်လို့လဲ ဖိုးသူတော်ဦးမင်း၊လူဦးမင်းတို့လို စာဆိုတွေ ရေးသားခဲ့တဲ့ စာတွေ၊ကဗျာတွေဟာ ခုချိန်ထိကို ရှင်သန်နေဆဲပါ။
          ဒါပေမယ့် ခုခေတ်မှာတော့ ကွမ်းကြောင့် ခံတွင်းကင်ဆာတွေ ဖြစ်တတ်ကြောင်း သိလာ ခဲ့ပါပြီ။ဒါ့အပြင် ကွမ်းတံတွေးတွေကို အလွယ်တကူထွေးတတ်တဲ့ အလေ့အကျင့်ကြောင့် ပတ်ဝန်းကျင် ဟာလည်း ရုပ်ဆိုးလွန်းလှပါပြီ။
          ဒီလိုအခြေအနေမှာ ကျွန်တော်တို့အနေနဲ့ ဓလေ့ထုံးစံဆိုတာတွေကို ဆက်ပြီးဖက်တွယ် ထားသင့်ပါသေးလား။လူမှုဘဝနဲ့ လိုက်လျောညီထွေဖြစ်မယ့် အပြုအမူတွေနဲ့ အစားမထိုးသင့်ဘူးလား။ ပုံပြင်ထဲက အိပ်ရေးပျက်ရတဲ့ ဆရာအဖြစ်နဲ့ ချိန်ထိုးပြီး စဉ်းစားစရာပါ။
          ပုံပြင်ထဲကရလိုက်တဲ့ တွေးစရာနောက်တစ်ခုကတော့ နေရာကိစ္စ။
          မြင့်တဲ့နေရာတိုင်းရော မြတ်ပါရဲ့လား။မြတ်တဲ့နေရာတိုင်းရော မြင့်ပါရဲ့လား။
          ပုံပြင်ထဲက အတိုင်းဆိုရင်တော့ တပည့်ဖြစ်သူက ဆရာကို လေးစားသမှုနဲ့အပေါ်မှာထား တယ်။ဒါပေမယ့် သူ့ရဲ့စေတနာက ဆရာ့အတွက်တော့ ဝန်ထုပ်ဝန်ပိုးသာဖြစ်စေခဲ့ပါတယ်။
          ကျွန်တော်တို့ လူတော်တော်များများမှာ အရိုးစွဲနေတဲ့ အကျင့်တစ်ခုရှိပါတယ်။ဒါကတော့ “မြင့်”တိုင်း “မြတ်”တယ်လို့ ထင်တတ်ကြတာပါပဲ။
          ဒီစာကိုရေးနေရင်းနဲ့ ကျောင်းသားဘဝတုန်းက ရူပဗေဒဆရာပြောခဲ့ဖူးတဲ့ ဟာသလေးကို မျက်လုံးထဲ ပြန်မြင်ယောင်လာပါတယ်။
          မှတ်မှတ်ရရ အဲဒီတုန်းက မိုးကြိုးလွှဲဘယ်လိုလုပ်လဲ သင်ရတာပါ။
          ပါးစပ်နဲ့ပြောပြလို့ အဆင်မပြေတဲ့ အခြေအနေဆိုတော့ ဆရာကWhiteboardမှာ ပုံဆွဲပြီး စာရှင်းပါတယ်။
          ပထမဆုံး အိမ်စုစုလေး၅လုံးခြောက်လုံးလောက်ဆွဲပြပါတယ်။အဲဒီနောက် အမြင့်ဆုံးအိမ်ရဲ့ ခေါင်မိုးပေါ်မှာ မိုးကြိုးလွှဲလေးတပ်ပြီး မိုးကြိုးဘာကြောင့်ပစ်တယ်၊ မိုးကြိုးလွှဲဘယ်လိုလုပ်တယ်ဆိုတာ ရှင်းပြပါတယ်။
          စာရှင်းတာပြီးသွားချိန်မှာတော့ ဆရာက သူဆွဲထားတဲ့ပုံ သူကြည့်ရင်းပြောပါတယ်။
          “ဒီလိုအိမ်မျိုးမှာ မိုးကြိုးလွှဲသာ မတပ်ထားလို့ကတော့ ငါမနေရဲဘူးဟေ့။ဘယ့်နှယ် အမြင့် ဆုံးဆိုလို့ နှစ်ထပ်တိုက်လောက်ပဲရှိတဲ့နေရာမှာ ငါ့အိမ်က ငါးထပ်လောက်ချွန်ထွက်နေတာကိုး။”
          ဆရာ့စကားကြားတော့ ကျွန်တော်တို့အားလုံး ထရယ်ကြပါတယ်။
          ဟုတ်ကဲ့။ဒါက ဟာသတစ်ခုပါ။
          ဒါပေမယ့် အမြင့်ဆုံးရောက်တိုင်းလဲ ကောင်းချင်မှကောင်းတယ်ဆိုတဲ့ သဘောတရား၁ခု ကိုတော့ အဲဒီအချိန်ကတည်းက ဖမ်းဆုပ်မိခဲ့ပါတယ်။
          လူဟာ တစ်ကိုယ်တည်းနေလို့မရသမျှ ကာလပတ်လုံးတော့ ပတ်ဝန်းကျင်နဲ့အသားကျကျ ကူးခတ်လှုပ်ရှားနေရမှာပါ။ဒီအခါမှာ လူမှုဘဝထဲကရရှိလာမယ့် အတွေ့အကြုံပေါင်းစုံနဲ့ အလိုက်သင့် အလျားသင့်လေး ကူးခတ်တတ်ဖို့တော့လိုပါတယ်။
          လူမှုဘဝထဲမှာ အံဝင်ခွင်ကျဖြစ်ဖို့ အရည်အချင်းတွေ များများစားစားမလိုပါဘူး။ ကိုယ်က ပတ်ဝန်းကျင်နဲ့ အံဝင်ချင်တယ်ဆိုရင် အရင်ဆုံးကိုယ့်အတွေးအခေါ်တွေဟာ ပတ်ဝန်းကျင်နဲ့ အံဝင်ဖို့ လိုပါတယ်။
          ပတ်ဝန်းကျင်နဲ့ လိုက်လျောညီထွေမဖြစ်တော့တဲ့ ရှေးဓလေ့ထုံးစံတွေကို အသာအယာပဲ ဘေးချိတ်လိုက်ပါ။ဒီလောက် ရဲရင့်ရင်ကိုပဲ တသွင်သွင်စီးနေတဲ့ လူမှုရေစီးကြောင်းထဲမှာ ကိုယ်လည်း အလိုက်တသင့် ကူးခတ်နိုင်တဲ့သူတစ်ယောက် ဖြစ်လာပါလိမ့်မယ်။

image

နောက်တစ်ခါ

          မင်္ဂလာဆောင်သွားတိုင်း လူကြီးတွေက ကျွန်တော့်ကိုနောက်ပါတယ်။ “နောက်တစ်ခါဆို မင်းအလှည့်”တဲ့။
          အနောက်ခံရတာများလာတော့ ကျွန်တော်လည်းလူကြီးတွေကို “နောက်တစ်ခါဆို ခင်ဗျား အလှည့်”လို့ ပြန်နောက်ပါတယ်။
          အသုဘပို့တိုင်းပေါ့။

အလွဲများ

(Phone ringing……………)
ကျွန်တော်-ဟယ်လို
တစ်ဖက်-ဟေ့ကောင် ထွန်းဇော်မင်းဘယ်နေရာမှာ မင်္ဂလာဆောင်မှာလဲ။ ငါနဲ့ ငမျိုးနဲ့ငြင်းနေကြတာ။
ကျွန်တော်-အကို…ဖုန်းမှားနေတယ်ခင်ဗျ။

(Phone ringing……………)
ကျွန်တော်-ဟယ်လို
တစ်ဖက်-ကိုရေ အိမ်ပြန်မရောက်သေးဘူးလားဟင်။ ဘယ်နားမှာလဲ။
ကျွန်တော်-အစ်မရေ…ဟိုလေ ဖုန်းမှားနေတယ်ခင်ဗျ။ (အဟီးး)

(Phone ringing……………)
ကျွန်တော်-ဟယ်လို
တစ်ဖက်-ယောက်ျားရေ မြန်မြန်လာခဲ့။သားလေး အဖျားတွေအရမ်းတက်နေပြီ။
ကျွန်တော်-ငင်…ဗျာရယ်…။ဟိုလေ အစ်မ…ဖုန်း…ဖုန်းမှားနေတယ်ဗျ။

(Phone>>>Long press power buttom>>>Shutdown>>>Ok)

ဟုတ်တယ်လေ…။စဉ်းစားကြည့်။
ပထမတစ်ခေါက်က မင်္ဂလာဆောင်ခါနီး။ ဒုတိယက အိမ်ထောင်သည်။ တတိယကျတော့ ကလေး အဖေ။နောက်တစ်ခေါက်ဆို အခေါင်းရောင်းတဲ့ဆီကပဲ ဆက်ဖို့ကျန်တော့မယ်။

လက်ခံမှာလား

ကောင်လေး -“ငါ့ကိုလက်ထပ်ခွင့်ပေးပါနော်။”
ကောင်မလေး-“နင့်ကိုလက်ထပ်ရမယ်။ကောင်းပြီလေ။နင့်မှာBMWရှိလား။”
ကောင်လေး -“ဟင့်အင်း……။”
ကောင်မလေး-“လစာ…။တစ်လ လစာကိုပြော။”
ကောင်လေး -“ပြောလို့မရဘူး။ဟို ဟိုလေ…………။”
ကောင်မလေး-“ဒါဆိုရင် နင့်မှာရိုးရိုးအိမ်လေးတစ်လုံးတောင်ရှိလား။”
ကောင်လေး -“အဲဒါကလည်းမရှိဘူး။ဒီလိုလေ………။”
ကောင်မလေး-“အိုး…………။ငါလိုချင်တာတွေတစ်ခုမှမရှိတဲ့ဥစ္စာ။နင့်ကိုဘယ်လိုလုပ်ငါလက်ခံရမလဲ။
            ကျေးဇူးပြုပြီး ငါ့ကိုမနှောင့်ယှက်ပါနဲ့တော့။”
ကောင်လေး -(စိတ်ထဲမှနေ၍ သူ့ကိုယ်သူပြောနေသည်။)
           “ငါ့မှာစံအိမ်တစ်ခု၊တိုက်ခန်းသုံးခန်း၊ကွန်ဒို၂လုံးရှိတာရိုးရိုးအိမ်ကဘာလို့ဝယ်ရမှာလဲ။
           ဖယ်လယ်ရီ၎စီး၊မာစီဒီး၂စီး၊ရဟတ်ယာဉ်တစ်စီးတောင်ရှိတာBMWကရောဘာလုပ်ဖို့လဲ။
           နောက်ပြီး လစာတဲ့။ငါကကုမ္ပဏီပိုင်ရှင်သူဌေးပဲဥစ္စာ။လစာကယူရဦးမှာလား။”

အကြောင်းအရင်း

          စာမေးပွဲတွင် ဘာသာစုံကျသဖြင့် ဂျစ်တူးအမေက ဂျစ်တူးကိုဆူနေသည်။
          ကြာတော့။ဂျစ်တူးမခံနိုင်။
          ပြန်ရှင်းသည်။
          “တစ်နှစ်မှာရှိတဲ့၃၆၅ရက်ကို ကျောင်းတက်ရက်တွေလို့သဘောထား မေမေရယ်။
          အဲဒီထဲက တစ်နှစ်စာ စနေ၊တနင်္ဂနွေက ၉၆ရက်ရှိတယ်။၂၆၉ရက်ကျန်မယ်။
          ကျောင်း၃လပိတ်တာက အနည်းဆုံးရက်၉၀။ထပ်နုတ်တော့ ၁၇၉ရက်။
          သားတို့ရဲ့ အိပ်ချိန်က တစ်နေ့၆နာရီ။တစ်နှစ်စာဆို ၉၁.၂၅ရက်။ထားပါ ၉၁ရက်ပေါ့။ဒါဆို ၈၈ရက်ကျန်မယ်။
          မည်မည်ရရမရှိပဲ ဟိုဟာလုပ်၊ ဒီဟာလုပ်တာကို အနည်းဆုံး တစ်နေ့တစ်နာရီဆိုရင်ပဲ ၁၅ရက်နဲ့၂နာရီ ဖြစ်နေပြီ။ထားပါ။သားအမိချင်း လျှော့လိုက်ပါ့မယ်။၁၅ရက်ပေါ့။ဆိုရင်…။၇၃ရက်…။
          မေမေတို့ဖေဖေတို့နဲ့ ဒါမှမဟုတ် သူငယ်ချင်းတွေနဲ့ စကားပြောတာက တစ်နေ့ကို တစ်နာရီ။၇၃ရက်ထဲက ၁၅ရက်ထပ်နှုတ်ရင် ၅၈ရက်ကျန်မယ်။
          ထမင်းစားတာက တစ်နေ့နှစ်နာရီ။တစ်နှစ်စာအတွက် ရက်၃၀ဆို စာသင်ချိန်က ၂၈ပဲကျန်တော့မယ်။
          ရေချိုး၊ ကိုယ်လက်သန့်စင်၊ အဝတ်အစားလဲ၊ ဖိနပ်တိုက် ဒါတွေအားလုံးက တစ်နေ့ကို တစ်နာရီခွဲနှုန်း။တစ်နှစ်စာဆို ၁၇ရက်။၁၁ရက်ကျန်။
          အခါကြီးရက်ကြီးတွေ၊မိသားစု လျှောက်လည်တာတွေ ဒါမှမဟုတ်လဲ မင်္ဂလာဆောင်တို့၊ အလှူတို့အတွက်က ၃ရက်လောက်ပဲထား။၈ရက်ကျန်မယ်။
          နေမကောင်းဖြစ်လို့ စာမသင်နိုင်တာက တစ်နှစ်မှာ၅ရက်။ ဘုရားရှိခိုး၊ပုတီးစိတ်တာ အတွက်က ၂ရက်။နောက်ဆုံး ၁ရက်ပဲကျန်တော့မယ်။အဲဒီနောက်ဆုံးကျန်တဲ့ရက်ကသားမွေးနေ့။
          ကဲ……ဘယ်မလဲ စာသင်ချိန်။”

ဘယ်တော့မှ

ဟယ်ရီပေါ်တာပရိသတ်-ငါဟော့(ဂ်)ဝပ်(တ်)ကိုသွားချင်တယ်။

ပါစီဂျက်ဆန်ပရိသတ်-ငါက သွေးနှောတွေရဲ့စခန်းကိုသွားချင်တယ်။

Twilightပရိသတ်-ငါကတော့ ဗန်ပိုင်းယားတွေတက်တဲ့ကျောင်းကို သွားချင်တယ်။

Hunger gameပရိသတ်-ဟင့်အင်း…ဟင့်အင်း။ငါကတော့ ဘယ်မှမသွားဘူးနော်။

ဘယ်သူ့ဖုန်းလဲ

       ကိုသြတစ်ယောက် သူငယ်ချင်းများနှင့် ဂေါက်ရိုက်ပြီးနားနေခန်းတွင်နားနေစဉ် သူ့ဘေး
ချထားသောဖုန်းကထမြည်လာသဖြင့် ကိုင်လိုက်သည်။
       “ဟယ်လို”
       “မောင်ရေ ဟိုတစ်ခေါက်က ချစ်သိပ်လိုချင်တဲ့ ဒေါ်လာ၉၉၀တန်အကျီလေ ခုDiscountချတာ
ဒေါ်လာ၅၅၀တည်းသိလား။”
       “အင်း”
       “အဲဒါချစ်ကိုဝယ်ပေးပါနော်။”
       “ချစ်လိုချင်လဲဝယ်လေ။မောင့်Credit cardကိုယူသုံးလိုက်။”
       “တကယ်လားမောင်…။ပျော်လိုက်တာ။သြော် ဒါနဲ့မောင်ရေ။ဟိုတစ်ခေါက်က ချစ်တို့ကြည့်ခဲ့တဲ့
ကားလေးလေ။အဲဒါအရင်တုန်းက ဒေါ်လာ၃၀၀၀၀မဟုတ်လား။ခုဈေးကျသွားတာ ၂၅၀၀၀ပဲသိလား။
ချစ်တို့အခြေအနေနဲ့ကလဲ ဒီလိုကားကောင်းလေးစီးမှမောင်ရဲ့။အဲဒါလေးလည်း ဝယ်လိုက်မယ်နော်။”
       “ဈေးကတော့နည်းနည်းများပုံပဲ။ဒါပေမယ့် ချစ်စိတ်ချမ်းသာရင်လုပ်လေ။”
       “ဟား…မောင်ဒီနေ့ သဘောကောင်းလှချည်လား။ဒါနဲ့မောင်…စကားမစပ်လေ။ကားကတော့
ဟုတ်ပါပြီမောင်ရယ်။ကားနဲ့ယှဉ်ရင်အိမ်ကနည်းနည်းပဲ့တယ်။ချစ်အိမ်တစ်လုံးတွေ့ထားတယ်သိလား။
ခြံကလည်းအကျယ်ကြီး။ရေကူးကန်၊ပန်းခြံတွေအစုံပါတယ်။ဈေးကဒေါ်လာ၉၇၀,၀၀၀တည်း။အဲဒါ
ချစ်ဝယ်ချင်တယ်ကွာ။အဆင်ပြေပါ့မလား။
       “အင်း…ရပါတယ်။ဘဏ်ကနေချေးလိုက်လေ။မောင်ပြန်ဆပ်လိုက်ပါ့မယ်။”
       “ဟယ် တကယ်။ချစ်ကမောင့်ကိုနောက်နေတာ။မောင်ကဝယ်ပေးတယ်ကြည့်စမ်း။မောင့်ကို
တော့သိပ်ချစ်သွားပြီ။ဒါပဲနော် တာ့တာ။”
       “အင်း တာ့တာ။”
       ကိုသြဖုန်းချလိုက်သည်။
       ဖုန်းချပြီးပြီးချင်းပင် သူမသိသောအရာတစ်ခုကို တစ်ခန်းလုံးကြားအောင် လှမ်းအော်မေးလိုက် သည်။
       “ဒီဖုန်းကဘယ်သူ့ဖုန်းဆိုတာ သိတဲ့သူတစ်ယောက်ယောက်များရှိလားဟင်။”