ကြွက်တစ်ကောင်၏ဖွင့်ဟဝန်ခံချက်

          အမှန်အတိုင်းပြောပြရရင် ကျွန်တော်တို့ရဲ့ဘဝက အဲဒီအိမ်လေးကနေပဲ စခဲ့ကြတယ်ပေါ့။
          ကျွန်တော်တို့အခေါ်အဝေါ်အရသာ “အိမ်”။ လူတွေခေါ်တာတော့ “အသိုက်”။
          ဘာပဲပြောပြောပါ။ သူတို့အဲဒီလိုခေါ်တာလဲ မှားတယ်ရယ်တော့မဟုတ်ပါဘူး။ ကျွန်တော် တို့အတွက်သာ အိမ်ဖြစ်နေတာ သူတို့အတွက်တော့ စိတ်အနှောင့်အယှက်ပေးတတ်တဲ့ သတ္တဝါတွေရဲ့ တည်ရာဖွားရာလို့ သတ်မှတ်မှာပေါ့လေ။
          ကျွန်တော်တို့ဒီမှာနေတာ အတော်ကြာပြီဗျ။ ဘိုးစဉ်ဘောင်ဆက်လို့တောင်ဆိုရမယ်။
          အဘိုးရဲ့အဖေ “အဘေး”လက်ထက်ကတည်းက နေလာကြတာဆိုတော့ အချိန်ကဘယ် နည်းတော့မလဲ။
          သူတို့ကတော့ ကျွန်တော်တို့”ကြွက်”တွေမြင်တာနဲ့ ရရာလက်နက်ကိုင်ပြီးလိုက်ကြတာပါပဲ။ ဒါပေမယ့် ကျွန်တော်တို့ကကြွက်တွေပဲဟာ။ ချောင်ကြိုချောင်ကြားဝင်ပုန်းရင်း နောက်ဆုံးတော့လည်း မျက်ခြေပြတ်သွားကြတာပါပဲ။
          ဒီလိုမျိုး နေ့တိုင်းကျီးလန့်စာစားဘဝနဲ့နေနေရတာ စိတ်မပျက်ဘူးလားလို့ တော်တော်များ များက လာမေးကြတယ်။
          အဲဒီလိုလာမေးကြတိုင်း ကျွန်တော်ကတော့ တစ်ခွန်းပဲပြန်ဖြေဖြစ်ပါတယ်။ “ဒီလိုနည်းနဲ့မှ အသက်မရှင်ရင်လည်း တို့တွေမှာ တခြားအသက်ရှင်စရာနည်းလမ်းမှမရှိတာ။”
          လူတွေဆိုတာလည်းလူတွေ။ သူတို့ဖမ်းလို့မရတော့ တခြားနည်းတွေသုံးတယ်ဗျ။
          ကြွက်ထောင်ချောက်နဲ့ဖမ်းလား ဖမ်းရဲ့။ ကြွက်သတ်ဆေးတွေနဲ့ဖမ်လား ဖမ်းရဲ့။ နည်းကို စုံနေတာပါပဲ။
          ပထမတုန်းကတော့ ခံရသေးတယ်ဗျ။ ကြာလာတော့ ကျွန်တော်တို့လည်း အထာနပ်သွား ပါတယ်။ အရင်တုန်းကတော့ ကြွက်ထောက်ချောက်တို့၊ ကြွက်သတ်ဆေးတို့ကို ကြောက်မိသေးတယ်။ ခုတော့လည်း ကြောက်တာဆိုလို့ မဟာရန်သူတော်ဖြစ်တဲ့ ကြောင်ပဲရှိပါတော့တယ်။
          သြော်…ကြောင်ဆိုမှ ဟာသတစ်ခု သတိရတယ်။
          တခြားတော့မဟုတ်ပါဘူး။ ဒီအိမ်ပိုင်ရှင်တွေရယ်လေ ကျွန်တော်တို့ကိုမနိုင်လို့ ကြောင် တစ်ကောင်ခေါ်မွေးလာတယ်။ အဲဒီကြောင်ရောက်လာမှပဲ သူတို့ခမျာ ငါးပါးမက၊ ဆယ်ပါးပါ မှောက်ပါ လေရောဗျာ။
          တစ်ကယ်ပါ။ အရင်တုန်းက ကျွန်တော်တို့ဖွတယ်ဆိုတာ နည်းနည်း။ အဲဒီကြောင်ရောက် ပြီးမှ တစ်အိမ်လုံးမှာ လူရော၊ကြွက်ရော လုံးဝကိုငြိမ်ငြိမ်မနေရဘူး။
          ဟင်းတွေခိုးစားပြန်ပြီ။ အိပ်ယာကိုသေးပန်းသွားပြန်ပြီ။ မှန်တွေကွဲပြန်ပြီ။ ဒီစကားသုံးခွန်း က တစ်နေ့ကိုတစ်လှည့်စီ ကြားနေရတဲ့စကားတွေပါ။ လူတွေလည်း “ကြွက်ကြောက်လို့ကြောင်ကြီးကိုး ကြောင်ကြီးကြွက်ထက်ဆိုး”သလိုကို ဖြစ်သွားရောဗျာ။
          နောက်တော့အိမ်ကလူတွေလည်း ဒဏ်မခံနိုင်တော့ဘူးထင်ပါရဲ့။ အဲဒီကြောင်…သူများဆီ ရောက်သွားတယ်ဆိုပါတော့။
          ကျွန်တော်ပြောခဲ့ပြီးသားပါ။ ကျွန်တော်တို့တွေ ဒီအိမ်မှာနေလာတာ အတော်ကြာပါပြီ။ နေ့တိုင်းလိုလို လူတွေနဲ့လိုက်တမ်းပြေးတမ်းကစားရတာလဲ ပျော်နေပါပြီ။ ပြောရရင်သံယောဇဉ်ဖြစ်နေ ပြီလို့တောင် ပြောရမလားမသိပါဘူး။
          ဒါပေမယ့် အခုအချိန်မှာ ကျွန်တော်တို့အားလုံး ပြဿနာတစ်ခုကို ရင်ဆိုင်နေရပါတယ်။
ပြဿနာကလည်း အသက်ရှင်ရပ်တည်ရေးနဲ့ လုံးဝကိုသက်ဆိုင်နေပါတယ်။
          ဖြာကျနေတဲ့လရောင်ကိုငေးရင်း ကျွန်တော်တို့ရဲ့ စကားဝိုင်းက တိတ်ဆိတ်လို့နေပါတယ်။
          ထိုစဉ်…။
          “မင်းဘယ်လိုလုပ်မလဲ ဆုံးဖြတ်တော့။ ဆန်အိုးထဲမှာ အရင်ကလိုဆန်တွေ မရှိတော့တာ မင်းလဲအသိ၊ ငါတို့လဲအသိပဲ။ တို့စုထားတာလေးတွေကုန်တာလဲ ၂ရက်ရှိသွားပြီ။ အားလုံးဗိုက်ဆာနေ ကြပြီ။ ဒီအချိန်မှာ မင်းကအခရာပဲ။ မင်းတစ်ခုခုဆုံးဖြတ်ပါတော့သူငယ်ချင်းရယ်”
          ငယ်ငယ်ကတည်းက ကစားဖော်ကစားဖက် သူငယ်ချင်းက လောဆော်လိုက်တယ်။

          သူငယ်ချင်းပြောမှ သတိထားမိတယ်။ အားလုံးက အစာပြတ်လတ်နေတာမို့ အတော့်ကို ညှိုးနွမ်းနေကြတယ်။
          အို…ဟုတ်ပါရဲ့။ ငါ့ရဲ့အဖေနဲ့အမေ။ နောက်တော့ ငါ့ရဲ့ချစ်ဇနီး။ ရင်ခွင်ထဲက သားငယ်…။ နောက်တော့ငါ့ကိုယုံကြည်သူတွေ။ အားလုံးက မျှော်လင့်ချက်ကြီးစွာနဲ့ ငါ့အဆုံးအဖြတ်ကို ငံ့လင့်နေကြ ပါလား။
          ငါ့……ငါ့ရဲ့ တွေဝေမှုက သူတို့ကိုဒုက္ခတွင်းထဲ တွန်းပို့နေသလိုပါပဲလား။ ဒီအချိန်မှာ သံယောဇဉ်ဆိုတာတွေက အသုံးဝင်ပါ့မလား။
          ပတ်ဝန်းကျင်ကို တစ်ချက်ငဲ့ကြည့်ရင်း ဆုံးဖြတ်ချက်တစ်ခုကို ခဲယဉ်းစွာချလိုက်သည်။
          “ကောင်းပြီ…ပိုကောင်းတဲ့အိမ်ကို တို့တွေပြောင်းကြမယ်”
          ဒီစကားသံကို ကြားလိုက်ရတဲ့ခဏ သူတို့တွေရဲ့ ပျော်ရွှင်မှုတွေဆိုတာ မျက်နှာထက်မှာ တဖိတ်ဖိတ်တောက်နေပါတယ်။ ဝမ်းသာလို့ဟစ်ကြွေးတဲ့ အသံတွေကတော့ ဆူဆူညံလို့ပေါ့။
          မှာကြားစရာရှိတာတွေကို မှာကြားအပြီးမှာတော့ တိတ်ဆိတ်စွာနဲ့ပဲ အိမ်ပိုင်ရှင်ရဲ့အိပ်ခန်း ဆီ တစ်လှမ်းချင်းလှမ်းလာခဲ့ပါတယ်။
          အိပ်ခန်းတံခါးကိုတွန်းဖွင့်ရင်း မိတ်ဟောင်းဆွေဟောင်းကို တိုးတိုးတိတ်တိတ်ပဲ နှုတ်ဆက် လိုက်ပါတယ်။
          “ကျွန်တော်ဒီအိမ်ကိုချစ်ပါတယ်။ ကျွန်တော်ဒီအိမ်ကိုတွယ်တာပါတယ်။ ဒါပေမယ့် မတတ် နိုင်တော့တဲ့ အခြေအနေမို့ ကျွန်တော်ထွက်သွားရတော့မယ်။
          အရင်လိုပြေးတမ်းလိုက်တမ်းမကစားရတော့လို့ ခင်ဗျားပျင်းနေမလား ကျွန်တော်မသိဘူး။ အရှုပ်ထုပ်လေးတွေမရှိတော့လို့ ခင်ဗျားပျော်နေမလား ကျွန်တော်မသိဘူး။ ကျွန်တော့်လိုပဲ ကျွန်တော့် ကို လွမ်းနေမလားဆိုတာလဲ ကျွန်တော်မသိဘူး။
          သံယောဇဉ်မပြတ်နိုင်ပါဘူးဗျာ။ ဒါပေမယ့်အသက်ရှင်ဖို့ထက်တော့ အရေးမကြီးဘူးမဟုတ် လား။
          တစ်နေ့………။ ဒီအိမ်ရဲ့ဆန်အိုးထဲမှာ ဆန်တွေပြည့်တဲ့တစ်နေ့။ ကျွန်တော်တို့ ပြန်လာခဲ့ပါ့ မယ်။”
          မျက်ရည်များစွာ တတွေတွေစီးကျရင်း အိပ်ခန်းကိုကျောခိုင်းပြီး လှည့်ထွက်လာခဲ့ပါတယ်။
          ကျွန်တော်လာခဲ့တာကိုသူသိမယ်မထင်ပါဘူး။ ကျွန်တော်ပြောခဲ့တာကိုလည်း သူကြားမယ် မထင်ပါဘူး။ ဘာလို့လဲဆိုတော့ သူအိပ်ပျော်နေတယ်လေ။

image

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s