ငှက်ရိုးတောင်းတဲ့ဆုနဲ့ပြည့်ဝရစေသား

          ဒီကိစ္စကို ငှက်ရိုးလက်ပိုက်ကြည့်မနေနိုင်တော့။ ထို့ကြောင့် လက်နောက်ပစ်ကြည့်ရန် ဆုံးဖြတ်လိုက်သည်။ ဒီလိုနည်းနဲ့မှမကြည့်လဲ ဘယ်လိုမှကြည့်ရမည်မဟုတ်သဖြင့် မဖြစ်ဖြစ်တဲ့နည်းနဲ့ တော့ ကြည့်ရန်ဆုံးဖြတ်ထားသည်။
          လူတွေဆိုတာကလည်းလူတွေ တစ်စိတ်ကိုတစ်အိတ်လုပ်လွန်းကြသည်။ ထိုထိုလူတွေထဲ ဘူမိဗေဒသမားတွေက အဆိုးဆုံးဖြစ်သည်။
          ဟိုးတလောကဆောင်းပါးတစ်ပုဒ်တွင်ဖတ်လိုက်ရသည်။ ရန်ကုန်မြို့သည် မြေအောက်ရေ သုံးစွဲမှုအလွန်များသောကြောင့် မြို့ကြီးကတစ်နှစ်လျှင် မီလီမီတာအနည်းငယ်စီ နိမ့်ကျလာသည်ဟု ရေးသားထားခြင်းဖြစ်သည်။ ဒီကိစ္စကထား။
          အခုတစ်ခါလာပြန်ချေပြီ။ ရွှေတိဂုံဘုရားကြီးနှင့် ဒဂုံစီးတီးကိစ္စ။
          ဟိုကသူ့ဖာသာသူကွန်ဒိုဆောက်သည်။ ဒါကို ထိုဘူမိဗေဒသမားတွေက သုံးသပ်ချက်တစ် ခု ထုတ်ပြန်လိုက်ကြသည်။ ဒဂုံစီးတီးသည် သိဂုင်္တ္တရကုန်းလက်တက်များပေါ်တွင်တည်ရှိနေကြောင်း၊ ထိုဒဂုံစီးတီးအဆောက်အဦးများအတွက် မြေတူးသည့်အခါ သိဂုင်္တ္တရကုန်းအောက်ရှိ မြေအောက်ရေ ကြောကို ထိခိုက်စေပြီး ရွှေတိဂုံဘုရားအပေါ် ဆိုးကျိုးသက်ရောက်လာနိုင်ခြေရှိကြောင်းများဖြစ်သည်။
          ဒီထုတ်ပြန်ချက်ကိုကြားတော့ လူတွေအတော်လှုပ်လှုပ်ရွရွဖြစ်ကုန်သည်။ ထုံးစံအတိုင်း ဖွ ဘုတ်ကြီးပေါ်တွင် ပို့စ်များပလူပြန်လာကြသည်။ ရဲရဲတောက်သမားတွေ အလျှိုအလျှိုပေါ်လာကြသည်။ အဆဲဝါသနာပါသူတို့ကတော့ ထိုကိစ္စနှင့်ပတ်သက်၍ တုံဏှိဘာဝေလုပ်နေသည့် မဘသကိုဆဲကြ သည်။
          အစပထမတုန်းကတော့ နိုင်ငံတော်တိုးတက်ရေးအတွက် ဖက်စုံထောင့်စုံမှ စွမ်းစွမ်းတမံ ကြိုးပမ်းအားထုတ်နေသော အစိုးရအရာရှိမင်းများက သည်းခံကြသေးသည်။ သို့သော် “အမှိုက်ကစ ပြ ဿဒ်မီးလောင်”နိုင်သဖြင့် အမှိုက်တွင်တောင်မစွဲသေးသည့်မီးကို တက်ညီလက်ညီဝိုင်းငြှိမ်းသတ်လိုက် ကြသည်။ “ထိုဒဂုံစီးတီးနှင့်ပတ်သက်၍ မကောင်းကြောင်းရေးသူများကို ထိရောက်စွာအရေးယူမည်” ဟူသတတ်။
          ငှက်ရိုးကတော့ ထိုသို့အရေးယူသင့်သည်ဟုထင်သည်။ ဒီအတိုင်းလွှတ်ထားလျှင် ဆိုးချေ မည်။ အစိုးရအဖွဲ့မှလည်း (သူတို့အခေါ်) နားလည်တတ်ကျွမ်းသည့် အင်ဂျင်နီယာများနှင့် အသေအချာ စစ်ဆေးပြီးသားဟုဆိုကြသည်။ ဘယ်လောက်တတ်ကျွမ်းသည့် အင်ဂျင်နီယာနှင့်စစ်သည်။ ဘယ်လို နည်းပညာနှင့်စစ်သည်။ ဘယ်အချိန်ကစစ်သည်။ ဒါတွေမသိရတာလေးပဲရှိသည်။
          တစ်ကယ်တမ်းဆို ပြည်သူလူထုအနေဖြင့် ၄င်းတို့၏အပြုအမူများကိုကြည့်ရုံနှင့် သူတို့ဘာ မှမပြောခင်ကတည်းကကို ယုံကြည်စွာခေါင်းညှိတ်ထားသင့်သည်။ ဒီလိုဆို အရေးယူမည့်ကြေညာချက် မျိုးလည်း ထွက်လာစရာအကြောင်းမရှိတော့ပေ။ တစ်ကယ့်တစ်ကယ်အပြစ်ရှိသူများမှာ အရေးယူမည် ဟု ကြေညာသည့် အစိုးရအရာရှိများမဟုတ်။ သုံးသပ်ချက်ထုတ်သည့် ဘူမိဗေဒသမားများဖြစ်သည်။
          တစ်ချို့သူများကလည်း ထိုကွန်ဒိုများကို လုံးဝကိုမဝယ်ရန် စိတ်ပိုင်းဖြတ်ထားကြသည်ဟု ငှက်ရိုးကြားရသည်။ အဆိုးဆုံးကတော့ အိမ်ထောင်သည်များဖြစ်သည်။ အကြောင်းအရင်းကိုမေးကြည့် တော့ စိတ်မလုံလို့ဟုပြန်ဖြေကြသည်။
          သူတို့ဘာတွေစိတ်မလုံသည်တော့ငှက်ရိုးမသိ။ ငှက်ရိုးသိသည်က ထိုအထပ်မြင့်ကွန်ဒို တွေပ်ါလာလျှင် ငှက်ရိုးကတော့ဝမ်းသာမိလိမ့်မည်။
          ယခင်ကဆို ရွှေတိဂုံဘုရားဖူးချင်လျှင် ကားစီးမှရောက်သည်။ ယခုတော့ဒီလိုမဟုတ် ကွန်ဒိုတစ်ခန်းဝယ်ထားရုံနှင့် ဘုရားကိုနေ့နေ့ညညဖူးနိုင်သည်။
          ယခင်ကဆို ငှက်ရိုးတို့ရင်ပြင်တော်ပေါ်မှနေ၍သာ ဘုရားကိုမော်ဖူးဖူးသည်။ ထိုကွန်ဒိုများ သာပေါ်လာလျှင် ရွှေတိဂုံဘုရားကို ငုံ့ကြည့်ပြီးလည်းဖူးနိုင်သည်။
          နေ့နေ့ညညဖူးနိုင်သည်။ ရှုထောင့်အစုံစုံမှဖူးနိုင်သည်။ ယခင်ကလို ကားစီးစရာမလိုသဖြင့် မီးပွိုင့်မိခြင်းဒုက္ခမှလည်း ကင်းဝေးလေသည်။
          ထို့ကြောင့် ငှက်ရိုးအိမ်ကလူကြီးများကို ကွန်ဒိုတစ်ခန်းဝယ်ပေးရန် အပူကပ်ရမည်။ ထိုဒဂုံ စီးတီး မြန်မြန်ဆောက်ပြီးရန်လည်း ရွှေတိဂုံဘုရားကြီးဆီသွားပြီး ညတိုင်းဆုတောင်းရမည်။ ပြိုမကျ ရန်လည်း ယတြာချေသင့်ချေရမည်။ (ဤသည်မှာ ဒဂုံစီးတီးရှိကွန်ဒိုများကိုသာ ပြောခြင်းဖြစ်သည်။) ထို့အပြင် ဘူမိဗေဒသမားတို့ ထုတ်ပြန်သောအချက်များ မှားပါစေရန်ကိုလည်း အလေးအနက်ထားကာ နတ်ကောင်းနတ်မြတ်များအား ကန်တော့ပွဲထိုး၍တိုင်တည်ရမည်။
          ဆိုတော့………ငှက်ရိုးဒီညဘုရားတက်မည်။
          နောက်ပြီး ဆုတောင်းမည်။

image

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s