သင္းကြဲႀကိဳးၾကာ-၃ (သင်းကွဲကြိုးကြာ-၃)

          မနက္၁၀နာရီခြဲ…။
          ဒီေန႔ ဆန္းလေက်ာင္းမတက္ခ်င္။
          မနက္ကတည္းက အိမ္မွာတက္လိုက္သည့္ျပႆနာဆိုတာကလည္းေတာက္ေလွ်ာက္…။ တစ္မနက္ခင္းလံုး လပ္ကီးမေကာင္းခဲ႔သည္မို႔ ေက်ာင္းမွာေရာတစ္ခုခုျဖစ္မလား စိတ္ထဲထင့္ေနမိ၏။
          သူမ စိတ္ညစ္ညဴးစြာျဖင့္ ေခါင္းကိုခါယမ္းမိေတာ့
          “ေဟး ဆန္းလ။ ခဏေစာင့္ပါဦး”
          ေနာက္ကေခၚသံၾကားသျဖင့္ လွည့္ၾကည့္လိုက္ေတာ့ သူမသူငယ္ခ်င္းေႏြဦး။
          “ေမာလိုက္တာဆန္းလရယ္ ဝွဴး”
          အနားသို႔ေရာက္လာေသာေႏြဦးကေလပူတစ္ခ်က္ကိုမႈတ္ထုတ္ကာ အနည္းငယ္ေမာဟိုက္ ေနေသာအသံျဖင့္ ဆန္းလကိုေျပာလိုက္သည္။
          ေႏြဦးႏွာသီးဖ်ားတြင္ ေခြၽးစက္ေလးေတြသီးေနသည္။ ေနကလည္းပူသည္ကိုး။
          “ဆန္းလ ဒီမွာၾကည့္စမ္း”
          ေႏြဦးမ်က္ႏွာကိုေငးစိုက္ၾကည့္ေနေသာ ဆန္းလမ်က္လံုးမ်ားက ေႏြဦးထုတ္ျပေသာစာအုပ္ ေလးေပၚသို႔ေရာက္သြားသည္။
          “ဟယ္…”
          သူမပါးစပ္က ထိုအာေမဋိတ္တစ္ခုသာထြက္ႏိုင္သည္။
          ကဗ်ာစာအုပ္……။
          ယခုလက္ရွိနာမည္ႀကီးေနေသာ တက္သစ္စကဗ်ာဆရာ”ရိုး”၏ ကဗ်ာစာအုပ္။
          ပထမဆံုးထုတ္ေရာင္းသည့္၃ရက္အတြင္းမွာပင္ စာအုပ္ျပတ္သြားသည္အထိ ပရိသတ္မ်ား အားေပးခံခဲ႔ရေသာကဗ်ာစာအုပ္။
          “အဲဒါ ငါတို႔လိုက္ရွာခဲ႔တဲ႔စာအုပ္မဟုတ္လား”
          “ဟုတ္ပါ့ ဆန္းလေရ။ ၃ရက္အတြင္းမွာတင္ စာအုပ္ကုန္သြားလို႔ ငါနဲ႔နင္နဲ႔တစ္ၿမိဳ႕လံုးအႏွံ႔ ပတ္ရွာခဲ႔တာေလ”
          “ေအးေလ အဲဒီတုန္းကမရခဲ႔ဘူးေလ။ အခုစာအုပ္က”
          ဆန္းလဆီမွအေမးစကားကိုၾကားေတာ့ ေႏြဦးသူမမ်က္လံုးအစံုကိုေမွးစင္းကာၿပံဳးလိုက္၏။ အၿပံဳးက”ငါကြ”ဆိုသည့္အၿပံဳး။
          သူမ အားရေအာင္အိုက္တင္ခံၿပီးေတာ့မွ
          “ဒါက ဒုတိယအႀကိမ္ဟ။ ငါနဲ႔ခင္တဲ့စာအုပ္ဆိုင္ကအစ္မႀကီးက ဒီစာအုပ္ေရာက္တာနဲ႔ ငါ့ဆီဖုန္းဆက္လို႔ ေက်ာင္းထဲမေရာက္ခင္ စာအုပ္ဆိုင္ထဲကဝင္ဝယ္လာတာ”
          ေႏြဦးစကားဆံုးေတာ့ ဆန္းလစာအုပ္အဖံုးကို ကပ်ာကယာၾကည့္လိုက္သည္။
          စာအုပ္အဖံုး၏ဘယ္ဖက္ေထာင့္တြင္ ဒုတိယအႀကိမ္ဆိုသည့္ စာသားကအထင္းသား။
          သူမေရာေႏြဦးေရာက စာတို႔ကဗ်ာတို႔ကိုဝါသနာပါသည္။
          ကဗ်ာဆရာ”ရိုး”ကလည္းအလြန္ေတာ္သည္။
          ကဗ်ာမႀကိဳက္သူမ်ားေတာင္ လက္ကမခ်ခ်င္ေလာက္ေအာင္ ဆြဲေဆာင္အားေကာင္းလြန္း လွေသာ ကဗ်ာစာအုပ္သည္ သူမတို႔လိုကဗ်ာဝါသနာရွင္မ်ားအတြက္ေတာ့ အေလးအျမတ္ျပဳစရာ တန္ဖိုးႀကီးရတနာတစ္ခုျဖစ္လာသည္။
          ေနာက္ၿပီး ကဗ်ာဆရာကိုယ္တိုင္ကိုက “ဒီစာအုပ္ဟာ ကြၽန္ေတာ့္ရဲ႕ေနာက္ဆံုးစာအုပ္ပါ” ဟုေၾကညာထားသည္မို႔ ပရိသတ္ေတြကပိုစိတ္ဝင္စားေနၾကသည္။
          “ဟဲ႔…ေႏြဦး ငါ့အတြက္ေရာ ငါ့အတြက္ဝယ္လာခဲ႔လား”
          ဆန္းလတစ္ေယာက္ ကေလးငယ္သဖြယ္ ေႏြဦးကို အားတက္သေရာေမးမိသည္။
          ေႏြဦးမ်က္ႏွာတစ္ခ်က္ပ်က္သြားသည္။
          သို႔ေသာ္ ပ်က္ယြင္းသြားသည့္သူမမ်က္ႏွာကို ခ်က္ခ်င္းျပန္ဖံုးလိုက္ၿပီး မထူးျခားေသာ ေလသံျဖင့္
          “နင့္အတြက္မပါခဲ႔ဘူးဆန္းလရဲ႕။ ငါေတာင္ဆိုင္ရွင္အစ္မခ်န္ထားေပးလို႔ရတာ။ အားလံုးက လည္းဒီကဗ်ာစာအုပ္ကို အရူးအမူးျဖစ္ေနၾကလို႔ ဘြတ္ကင္လုပ္ထားတဲ႔သူေတြပဲရတယ္ဆရာ။
          ဒါေပမယ့္ နင္စိတ္မပူပါနဲ႔။ ေနာက္ႏွစ္ရက္ေလာက္ဆိုရမယ္တဲ႔။ ဆိုင္ရွင္အစ္မက ထပ္မွာ ထားတယ္ေျပာတယ္”
          ေႏြဦးစကားေၾကာင့္ အျပည့္အဝဝမ္းမသာႏိုင္ေသာ္လည္း ရင္ထဲကအလံုးႀကီးကေတာ့က် သြားသည္။ ဘာပဲေျပာေျပာ မရႏိုင္တာထက္စာလွ်င္ေတာ့ ေတာ္ေသးသည္ဟု ဆိုရမည္သာ။
          သို႔ေသာ္ သူလိုခ်င္ေသာ စာအုပ္ရသြားသျဖင့္ ၿပံဳးေပ်ာ္ေနေသာ ေႏြဦးကိုစခ်င္လာသျဖင့္
          “ေအးေလ ဒါဆိုလဲၿပီးတာေပါ့ေႏြဦးရယ္။ ငါေနာက္ႏွစ္ရက္ေနမွဝယ္မယ္ေလ။ ေလာေလာ ဆယ္ေတာ့ နင့္စာအုပ္ငါယူသြားၿပီေဟ့”
          ေႏြဦးလက္ထဲျပန္ေရာက္ေနေသာစာအုပ္ကို ဆတ္ခနဲဆြဲလုကာ သူမေျပးေလသည္။
          ရုတ္တရက္မို႔ ေႏြဦးလည္းအူေၾကာင္ေၾကာင္ျဖစ္ကာ ရပ္ၾကည့္ေနမိသည္။ ေနာက္ေတာ့မွ သူမစာအုပ္ပါသြားမွန္းသိသျဖင့္ ဆန္းလေနာက္သို႔ေျပးလိုက္သည္။
          “ဆန္းလ ငါ့စာအုပ္ျပန္ေပး”
          အေနာက္ကေႏြဦးတစ္ေယာက္ တစ္ေၾကာ္ေၾကာ္ေအာ္ကာ ေျပးလိုက္လာသည္။
          ႏွစ္ေယာက္လံုးကလည္း ေခ်ာေမာၾကသူမ်ားမို႔ ဘာဘီရုပ္ေလးႏွစ္ရုပ္ စိန္ေျပးလိုက္တမ္း ကစားေနသလိုပင္။
          အေနာက္ကေျပးလိုက္လာေသာ ေႏြဦးကိုတစ္ခ်က္လွည့္ၾကည့္ၿပီး ညာဖက္လမ္းထဲအေကြ႔ ထိုလမ္းထဲမွထြက္လာေသာ စက္ဘီးတစ္စီးက ဆန္းလမ်က္လံုးမ်ားကိုျပာေဝသြားေစသည္။
          စက္ဘီးစီးသူကလက္ကိုင္ကိုေကြ႔လိုက္ေသာ္လည္း စက္ဘီးကိုယ္ထည္ကေတာ့ဆန္းလကို အနည္းငယ္ပြတ္မိသြားသည္။
          စက္ဘီးအရွိန္ေၾကာင့္ သူမပံုလ်က္သားလဲက်သြားၿပီး တစ္ဖက္ကစက္ဘီးလည္း သူမ အနားမွာပင္ေမွာက္သြားသည္။
          ဆန္းလတစ္ေယာက္ လဲက်ရာမွလူးလဲထမိခ်ိန္တြင္ သူမလက္ဖ်ံေနရာကဆစ္ခနဲ နာသြား သျဖင့္ၾကည့္မိေတာ့ ပြန္းသြားသည့္ဒဏ္ရာေလးက ေသြးစို႔ေနသည္ကိုေတြ႔လိုက္ရသည္။
          သို႔ေသာ္ ဒဏ္ရာကိုဂရုမစိုက္အား။ ကဗ်ာစာအုပ္ကိုသာ ကမန္းကတန္းလိုက္ရွာမိသည္။
          စာအုပ္ဘယ္မွာလဲ…။ စာအုပ္ဘယ္ေရာက္သြားလဲ။
          သူမပံုစံက အဖိုးတန္ရတနာတစ္ခု ေပ်ာက္ဆံုးသြားသည့္ ကေလးငယ္တစ္ဦးသဖြယ္။
          သူမေဘးပတ္လည္ကို ေဝ့ဝဲၾကည့္ကာလိုက္ရွာသည္။
          မေတြ႔။
          ၿခံဳပုတ္ေတြထဲတြင္မ်ားရွိမလားလည္းၾကည့္သည္။ ဒါလည္းမေတြ႔။
          ေတြ႔မယ့္ေတြ႔ေတာ့ သူမမထင္မွတ္ထားေသာပံုစံ။
          စာအုပ္ကစက္ဘီးေအာက္တြင္ပိေနၿပီး ျပဳတ္ထြက္ေနေသာအဖံုးႏွင့္ စာအုပ္အတြင္းသား တို႔က တစ္ေနရာဆီမွာ။
          စာအုပ္ဖံုးကိုဘယ္လက္ကကိုင္ စာအုပ္အတြင္းသားကိုညာလက္ကကိုင္ကာ သူမငူငူႀကီး ရပ္ေနမိသည္။
          ေျပးလာေသာေျခလွမ္းတစ္စံုက ဆန္းလေဘးတြင္ရပ္သြားသျဖင့္ ေနာက္ကိုလွည့္ၾကည့္ လိုက္ေတာ့ ေႏြဦး။
          စာအုပ္ကိုတစ္လွည့္ သူမကိုတစ္လွည့္ၾကည့္ေနသည္။ သူမမ်က္လံုးေတြက ႏွေျမာတသ ေနဟန္။
          “ေႏြ…ေႏြဦး။ ငါ…ငါေတာင္းပန္”
          “ေတာ္လိုက္ေတာ့ ဆန္းလ”
          ေႏြဦးေလသံကတင္းမာလြန္းလွသလို သူမမ်က္လံုးႏွစ္လံုးကလည္း ေဒါသအေရာင္မ်ား တဖိတ္ဖိတ္ေတာက္ေနသည္မွာ လူကိုစားေတာ့မည့္ က်ားသစ္မေလးတစ္ေကာင္သဖြယ္။
          “ငါျပန္ဝယ္ေပးပါ့မယ္ဟာ။ ေနာက္ႏွစ္ရက္ေလာက္ဆို စာအုပ္ဆိုင္ကို စာအုပ္ေရာက္ၿပီ မဟုတ္လား။ ငါအစားျပန္ဝယ္ေပးပါ့မယ္ေနာ္”
          ဆန္းလ ေႏြဦးကိုအႏူးအၫႊတ္ေတာင္းပန္ေနေပမယ့္ ေႏြဦး၏တင္းမာေနသည့္မ်က္ႏွာ ထားကေတာ့ ေပ်ာ့ေျပာင္းမသြားခဲ႔။
          ထိုအခိုက္ တင္းတင္းေစ့ထားေသာ ေႏြဦးႏႈတ္ခမ္းတစ္စံုကပြင့္ဟလာၿပီး “ဒီစာအုပ္က အစားျပန္ဝယ္ေပးလို႔မရတဲ့စာအုပ္ပဲဆန္းလ” ဆိုသည့္စကားႏွင့္အတူ ေက်ာခိုင္းလွည့္ထြက္သြားေသာ ျမင္ကြင္းတို႔က ဆန္းလအတြက္ေတာ့တုန္လႈပ္ဖြယ္ပင္။
          သူ…သူသြားၿပီ။
          သူမအခ်စ္ဆံုးသူငယ္ခ်င္းလည္း သူမကိုေက်ာခိုင္းခဲ႔ၿပီ။
          ဆန္းလ ေက်ာက္ရုပ္တစ္ရုပ္လိုငိုင္သြားကာ မ်က္ရည္တို႔ကအဆီးအတားမဲ႔စြာက်လာ၏။
          စက္ဘီးသမားက “အစ္မဘာျဖစ္သြားလဲ”ဆိုသည့္စကားကိုေတာင္ သူမအေရးမစိုက္ႏိုင္။
          သူမခ်စ္ရသည့္သူငယ္ခ်င္းကိုလည္း နာက်င္ေအာင္၊ ဝမ္းနည္းေအာင္၊ ပင္ပန္းေအာင္ သူမလုပ္ခဲ႔မိျပန္ၿပီ။
          သို႔ေသာ္ ေႏြဦးေျပာသြားသည့္ စကားတစ္ခြန္းကိုေတာ့ သူမနားမလည္။
          ဒီစာအုပ္က ဘာမို႔လို႔အစားျပန္ေပးလို႔မရတာလဲ။
          ထိုအေတြးမ်ားအားလံုး အဖံုးျပဳတ္သြားသည့္ စာအုပ္အတြင္းသားေလးကိုၾကည့္မိေတာ့မွ ရွင္းသြားခဲ႔သည္။
          “ရိုး”ဟုေရးထားသည့္ လက္မွတ္လွလွေလးက စာအုပ္ေပၚတြင္ခ့ံထည္စြာ။
         
✽✽✽   ✽✽✽   ✽✽✽

          ေလးကန္သည့္ေျခလွမ္းတို႔ကို သူမခ်စ္သူအခန္းဆီဦးတည္လိုက္သည္။
          အစ္မကေရာ၊ အေမကေရာ ေနာက္ၿပီး အခ်စ္ဆံုးသူငယ္ခ်င္းကပါ လ်စ္လ်ဴရွဳခံလိုက္ရ သည့္ဘဝမို႔ ေနာက္ဆံုးအားျပဳစရာသည္ ခ်စ္သူတစ္ေယာက္သာရွိေတာ့သည္။
          ကို႔ဆီေရာက္လွ်င္ ကို႔ရင္ခြင္ထဲတိုးေခြ႔ကာ အားပါးတရငိုမည္။ ကို႔ေပါင္ေပၚေခါင္းအံုးကာ ႏွစ္ႏွစ္ၿခိဳက္ၿခိဳက္အိပ္မည္။ ကိုေပးမည့္အနမ္းမ်ားႏွင့္ သူမစိတ္ညစ္ညဴးမႈေတြကို ေျဖေဖ်ာက္ပစ္မည္။
          ေၾသာ္…ေမ့ေတာ့မလို႔။ အရင္ဆံုးဟာသေတြေျပာခိုင္းရမွာပဲ။ ဒါမွတစ္မနက္ခင္းလံုး ႏြမ္းလ် ေနတဲ႔စိတ္ေတြက နည္းနည္းျပန္ၾကည္လင္လာမွာ။
          တစ္ကယ္လဲ သူမစိတ္ေတြက တအားႏြမ္းနယ္ေနသည္မို႔ ဟာသေလးေတြႏွင့္ အရင္ဆံုး ေျဖေလွ်ာ့ၿပီးမွပဲ ကို႔ကိုရင္ဖြင့္ေတာ့မည္ဟု ဆံုးျဖတ္လိုက္သည္။
          ဒီလိုေတြးလိုက္ေတာ့သူမေျခလွမ္းေတြတက္ႂကြလာသည္။ မႈန္မိႈင္းေနသည့္စိတ္ေတြလည္း နည္းနည္းေတာ့ျပန္ၾကည္လာသေယာင္…။
          အခန္းနံပါတ္ F-13…။
          ကို႔အခန္းနားေရာက္ေတာ့ ဆရာဝင္မဝင္တစ္ခ်က္ၾကည့္လိုက္ၿပီး ဆရာရွိမေနမွန္းေသခ်ာ ေတာ့မွ ေခါင္းေလးျပဴကာ ကို႔ထိုင္ခံုေနရာကိုလွမ္းၾကည့္လိုက္သည္။
          ထံုးစံအတိုင္း သူငယ္ခ်င္းမ်ားႏွင့္စကားေျပာေနသည့္ ကို႔ကိုေတြ႔လိုက္ရသည္။ ထိုအခိုက္ ကို႔သူငယ္ခ်င္းတစ္ေယာက္က သူမကိုၾကည့္လိုက္ၿပီး ကို႔ကိုတစ္စံုတစ္ခုလွမ္းေျပာလိုက္သျဖင့္ ကို႔ရဲ႕ မ်က္ႏွာေလးဆန္းလဖက္လွည့္လာသည္။
          ၾကည္လင္တဲ႔ကို႔မ်က္ႏွာေလးက ဒီေန႔မွပိုရွင္းသန္႔ေနသည္။
          ထိုင္ေနရာမွ ဣေႁႏၵရရႏွင့္ တစ္လွမ္းခ်င္းေလွ်ာက္လာပံုကလည္း စတိုင္က်လြန္းလွသည္။
          “ဟိတ္ မြြန္း ဘာေတြေငးေနတာလဲ”
          သူမေရွ႕ေရာက္ေရာက္ခ်င္း ေမးလိုက္တဲ႔ကို႔ရဲ႕ပံုစံေၾကာင့္ ရင္ထဲမွာေႏြးေထြးသြားရသည္။
          ကိုက သူမကို မြန္းဟုေခၚသည္။ လဆိုသည့္သူမနာမည္ကို ဒီအတိုင္းအဖ်ားဆြတ္ေခၚ ရမွာရိုးသည္ဟုထင္သည္လားမေျပာတတ္။
          “အဟဲ…ဘာမွမဟုတ္ပါဘူး။ ကိုကို႔ကိုေတြ႔ခ်င္လို႔”
          “အံမယ္ ပိုၿပီ။ လာမယ္ဆိုရင္လည္း ဘာလို႔ဖုန္းမဆက္လဲ”
          “ကိုကို႔ကိုအ့ံၾသေစခ်င္လို႔ေပါ့”
          “ဟုတ္ပါၿပီဗ်ာ။ ဟုတ္ပါၿပီ။ အဲ………”
          ခပ္ေဝးေဝးမွလာေနသည့္ဆရာ့ကိုျမင္ေတာ့ ခုနကကို႔အၿပံဳးေတြကတစ္ပိုင္းတစ္လက္စႏွင့္ ရပ္တန္႔သြားသည္။
          “အာ……ဆရာလာေနၿပီ။ ကို အတန္းတက္ရေတာ့မယ္။ မြန္းလဲ အတန္းသြားတက္ေတာ့ ေလ”
          “ဒီေန႔ မြန္းအတန္းမတက္ခ်င္ဘူး”
          သူမႏြဲ႔ဆုိးဆိုးသလိုေျပာမိေတာ့ ကိုကလူႀကီးတစ္ေယာက္လိုၿပံဳးသည္။
          “ကို ဒီဆရာ့အခ်ိန္ကို အလြတ္ခံလို႔မရဘူးကြ။ သူရွင္းျပတာဒီေန႔နားမေထာင္လိိုက္ရင္ က်န္တဲ႔ေန႔ေတြ ဘာမွမသိေတာ့ဘူး”
          “ကိုကကြာ ကို႔ကိုေျပာစရာရွိလို႔ပါဆို”
          “အင္းပါ။ ဒီဆရာ့တစ္ခ်ိန္ေလးေတာ့ ကိုခဏသင္လိုက္မယ္ကြာ။ ၿပီးေတာ့မွ မြန္းေျပာစရာ ရွိတာ ကို႔ကိုေျပာေပါ့”
          “ကို…ဒီတစ္ေန႔ေလးပဲဖ်က္ေပးပါကြာ။ ေနာ္………”
          “မြန္းရယ္ ကိုလဲအဆင္မေျပလို႔ပါ။ ေျပာစရာရွိရင္ေနာက္မွေျပာေနာ္။ ဟုတ္လား”
          “ကိုမရဘူးကြာ။ ဒီေန႔အတန္းမတက္နဲ႔ကြာ။ ကို…… ကို……”
          သူမ ဘယ္လိုပဲေတာင္းပန္တိုးလွ်ဳိးေပမယ့္ ကိုကသူမစကားနားမေထာင္။ အတန္းထဲသို႔ ေျပးဝင္သြားၿပီး သူ႔ထိုင္ခံုတြင္အက်အနသြားထိုင္သည္။
          သူမတို႔အျဖစ္အပ်က္ကို တစ္စြန္းတစ္စျမင္လိုက္ရေသာ ကိုတို႔အတန္းထဲက မိန္းကေလး တစ္ခ်ိဳ႕ကေတာ့ ဆန္းလကိုၾကည့္ၿပီးမ်က္ခံုးအတြန္႔ခ်ိဳးကာ သေရာ္ေတာ္ေတာ္ၿပံဳးၾကသည္။
          ဝမ္းနည္းျခင္း၊ အထီးက်န္ျခင္း၊ ရွက္ျခင္းတို႔ႏွင့္ သူမပူထူကာ ကိုႏွင့္ေဝးရာသို႔ သူမထြက္ လာခဲ႔သည္။ မ်က္ရည္မ်ားကေတာ့ တေတြေတြစီးလ်က္။

✽✽✽   ✽✽✽   ✽✽✽

(ဆက္ရန္)
(လင္း)
(Zawgyi)

          မနက်၁၀နာရီခွဲ…။
          ဒီနေ့ ဆန်းလကျောင်းမတက်ချင်။
          မနက်ကတည်းက အိမ်မှာတက်လိုက်သည့်ပြဿနာဆိုတာကလည်းတောက်လှေျာက်…။ တစ်မနက်ခင်းလံုး လပ်ကီးမကောင်းခဲ့သည်မို့ ကျောင်းမှာရောတစ်ခုခုဖြစ်မလား စိတ်ထဲထင့်နေမိ၏။
          သူမ စိတ်ညစ်ညူးစွာဖြင့် ခေါင်းကိုခါယမ်းမိတော့
          “ဟေး ဆန်းလ။ ခဏစောင့်ပါဦး”
          နောက်ကခေါ်သံကြားသဖြင့် လှည့်ကြည့်လိုက်တော့ သူမသူငယ်ချင်းနွေဦး။
          “မောလိုက်တာဆန်းလရယ် ဝှူး”
          အနားသို့ရောက်လာသောနွေဦးကလေပူတစ်ချက်ကိုမှုတ်ထုတ်ကာ အနည်းငယ်မောဟိုက် နေသောအသံဖြင့် ဆန်းလကိုပြောလိုက်သည်။
          နွေဦးနှာသီးဖျားတွင် ချွေးစက်လေးတွေသီးနေသည်။ နေကလည်းပူသည်ကိုး။
          “ဆန်းလ ဒီမှာကြည့်စမ်း”
          နွေဦးမျက်နှာကိုငေးစိုက်ကြည့်နေသော ဆန်းလမျက်လံုးများက နွေဦးထုတ်ပြသောစာအုပ် လေးပေါ်သို့ရောက်သွားသည်။
          “ဟယ်…”
          သူမပါးစပ်က ထိုအာမေဋိတ်တစ်ခုသာထွက်နိုင်သည်။
          ကဗျာစာအုပ်……။
          ယခုလက်ရှိနာမည်ကြီးနေသော တက်သစ်စကဗျာဆရာ”ရိုး”၏ ကဗျာစာအုပ်။
          ပထမဆံုးထုတ်ရောင်းသည့်၃ရက်အတွင်းမှာပင် စာအုပ်ပြတ်သွားသည်အထိ ပရိသတ်များ အားပေးခံခဲ့ရသောကဗျာစာအုပ်။
          “အဲဒါ ငါတို့လိုက်ရှာခဲ့တဲ့စာအုပ်မဟုတ်လား”
          “ဟုတ်ပါ့ ဆန်းလရေ။ ၃ရက်အတွင်းမှာတင် စာအုပ်ကုန်သွားလို့ ငါနဲ့နင်နဲ့တစ်မြို့လံုးအနှံ့ ပတ်ရှာခဲ့တာလေ”
          “အေးလေ အဲဒီတုန်းကမရခဲ့ဘူးလေ။ အခုစာအုပ်က”
          ဆန်းလဆီမှအမေးစကားကိုကြားတော့ နွေဦးသူမမျက်လံုးအစံုကိုမှေးစင်းကာပြံုးလိုက်၏။ အပြံုးက”ငါကွ”ဆိုသည့်အပြံုး။
          သူမ အားရအောင်အိုက်တင်ခံပြီးတော့မှ
          “ဒါက ဒုတိယအကြိမ်ဟ။ ငါနဲ့ခင်တဲ့စာအုပ်ဆိုင်ကအစ်မကြီးက ဒီစာအုပ်ရောက်တာနဲ့ ငါ့ဆီဖုန်းဆက်လို့ ကျောင်းထဲမရောက်ခင် စာအုပ်ဆိုင်ထဲကဝင်ဝယ်လာတာ”
          နွေဦးစကားဆံုးတော့ ဆန်းလစာအုပ်အဖံုးကို ကပျာကယာကြည့်လိုက်သည်။
          စာအုပ်အဖံုး၏ဘယ်ဖက်ထောင့်တွင် ဒုတိယအကြိမ်ဆိုသည့် စာသားကအထင်းသား။
          သူမရောနွေဦးရောက စာတို့ကဗျာတို့ကိုဝါသနာပါသည်။
          ကဗျာဆရာ”ရိုး”ကလည်းအလွန်တော်သည်။
          ကဗျာမကြိုက်သူများတောင် လက်ကမချချင်လောက်အောင် ဆွဲဆောင်အားကောင်းလွန်း လှသော ကဗျာစာအုပ်သည် သူမတို့လိုကဗျာဝါသနာရှင်များအတွက်တော့ အလေးအမြတ်ပြုစရာ တန်ဖိုးကြီးရတနာတစ်ခုဖြစ်လာသည်။
          နောက်ပြီး ကဗျာဆရာကိုယ်တိုင်ကိုက “ဒီစာအုပ်ဟာ ကျွန်တော့်ရဲ့နောက်ဆံုးစာအုပ်ပါ” ဟုကြေညာထားသည်မို့ ပရိသတ်တွေကပိုစိတ်ဝင်စားနေကြသည်။
          “ဟဲ့…နွေဦး ငါ့အတွက်ရော ငါ့အတွက်ဝယ်လာခဲ့လား”
          ဆန်းလတစ်ယောက် ကလေးငယ်သဖွယ် နွေဦးကို အားတက်သရောမေးမိသည်။
          နွေဦးမျက်နှာတစ်ချက်ပျက်သွားသည်။
          သို့သော် ပျက်ယွင်းသွားသည့်သူမမျက်နှာကို ချက်ချင်းပြန်ဖံုးလိုက်ပြီး မထူးခြားသော လေသံဖြင့်
          “နင့်အတွက်မပါခဲ့ဘူးဆန်းလရဲ့။ ငါတောင်ဆိုင်ရှင်အစ်မချန်ထားပေးလို့ရတာ။ အားလံုးက လည်းဒီကဗျာစာအုပ်ကို အရူးအမူးဖြစ်နေကြလို့ ဘွတ်ကင်လုပ်ထားတဲ့သူတွေပဲရတယ်ဆရာ။
          ဒါပေမယ့် နင်စိတ်မပူပါနဲ့။ နောက်နှစ်ရက်လောက်ဆိုရမယ်တဲ့။ ဆိုင်ရှင်အစ်မက ထပ်မှာ ထားတယ်ပြောတယ်”
          နွေဦးစကားကြောင့် အပြည့်အဝဝမ်းမသာနိုင်သော်လည်း ရင်ထဲကအလံုးကြီးကတော့ကျ သွားသည်။ ဘာပဲပြောပြော မရနိုင်တာထက်စာလှျင်တော့ တော်သေးသည်ဟု ဆိုရမည်သာ။
          သို့သော် သူလိုချင်သော စာအုပ်ရသွားသဖြင့် ပြံုးပျော်နေသော နွေဦးကိုစချင်လာသဖြင့်
          “အေးလေ ဒါဆိုလဲပြီးတာပေါ့နွေဦးရယ်။ ငါနောက်နှစ်ရက်နေမှဝယ်မယ်လေ။ လောလော ဆယ်တော့ နင့်စာအုပ်ငါယူသွားပြီဟေ့”
          နွေဦးလက်ထဲပြန်ရောက်နေသောစာအုပ်ကို ဆတ်ခနဲဆွဲလုကာ သူမပြေးလေသည်။
          ရုတ်တရက်မို့ နွေဦးလည်းအူကြောင်ကြောင်ဖြစ်ကာ ရပ်ကြည့်နေမိသည်။ နောက်တော့မှ သူမစာအုပ်ပါသွားမှန်းသိသဖြင့် ဆန်းလနောက်သို့ပြေးလိုက်သည်။
          “ဆန်းလ ငါ့စာအုပ်ပြန်ပေး”
          အနောက်ကနွေဦးတစ်ယောက် တစ်ကြော်ကြော်အော်ကာ ပြေးလိုက်လာသည်။
          နှစ်ယောက်လံုးကလည်း ချောမောကြသူများမို့ ဘာဘီရုပ်လေးနှစ်ရုပ် စိန်ပြေးလိုက်တမ်း ကစားနေသလိုပင်။
          အနောက်ကပြေးလိုက်လာသော နွေဦးကိုတစ်ချက်လှည့်ကြည့်ပြီး ညာဖက်လမ်းထဲအကွေ့ ထိုလမ်းထဲမှထွက်လာသော စက်ဘီးတစ်စီးက ဆန်းလမျက်လံုးများကိုပြာဝေသွားစေသည်။
          စက်ဘီးစီးသူကလက်ကိုင်ကိုကွေ့လိုက်သော်လည်း စက်ဘီးကိုယ်ထည်ကတော့ဆန်းလကို အနည်းငယ်ပွတ်မိသွားသည်။
          စက်ဘီးအရှိန်ကြောင့် သူမပံုလျက်သားလဲကျသွားပြီး တစ်ဖက်ကစက်ဘီးလည်း သူမ အနားမှာပင်မှောက်သွားသည်။
          ဆန်းလတစ်ယောက် လဲကျရာမှလူးလဲထမိချိန်တွင် သူမလက်ဖျံနေရာကဆစ်ခနဲ နာသွား သဖြင့်ကြည့်မိတော့ ပွန်းသွားသည့်ဒဏ်ရာလေးက သွေးစို့နေသည်ကိုတွေ့လိုက်ရသည်။
          သို့သော် ဒဏ်ရာကိုဂရုမစိုက်အား။ ကဗျာစာအုပ်ကိုသာ ကမန်းကတန်းလိုက်ရှာမိသည်။
          စာအုပ်ဘယ်မှာလဲ…။ စာအုပ်ဘယ်ရောက်သွားလဲ။
          သူမပံုစံက အဖိုးတန်ရတနာတစ်ခု ပျောက်ဆံုးသွားသည့် ကလေးငယ်တစ်ဦးသဖွယ်။
          သူမဘေးပတ်လည်ကို ဝေ့ဝဲကြည့်ကာလိုက်ရှာသည်။
          မတွေ့။
          ခြံုပုတ်တွေထဲတွင်များရှိမလားလည်းကြည့်သည်။ ဒါလည်းမတွေ့။
          တွေ့မယ့်တွေ့တော့ သူမမထင်မှတ်ထားသောပံုစံ။
          စာအုပ်ကစက်ဘီးအောက်တွင်ပိနေပြီး ပြုတ်ထွက်နေသောအဖံုးနှင့် စာအုပ်အတွင်းသား တို့က တစ်နေရာဆီမှာ။
          စာအုပ်ဖံုးကိုဘယ်လက်ကကိုင် စာအုပ်အတွင်းသားကိုညာလက်ကကိုင်ကာ သူမငူငူကြီး ရပ်နေမိသည်။
          ပြေးလာသောခြေလှမ်းတစ်စံုက ဆန်းလဘေးတွင်ရပ်သွားသဖြင့် နောက်ကိုလှည့်ကြည့် လိုက်တော့ နွေဦး။
          စာအုပ်ကိုတစ်လှည့် သူမကိုတစ်လှည့်ကြည့်နေသည်။ သူမမျက်လံုးတွေက နှမြောတသ နေဟန်။
          “နွေ…နွေဦး။ ငါ…ငါတောင်းပန်”
          “တော်လိုက်တော့ ဆန်းလ”
          နွေဦးလေသံကတင်းမာလွန်းလှသလို သူမမျက်လံုးနှစ်လံုးကလည်း ဒေါသအရောင်များ တဖိတ်ဖိတ်တောက်နေသည်မှာ လူကိုစားတော့မည့် ကျားသစ်မလေးတစ်ကောင်သဖွယ်။
          “ငါပြန်ဝယ်ပေးပါ့မယ်ဟာ။ နောက်နှစ်ရက်လောက်ဆို စာအုပ်ဆိုင်ကို စာအုပ်ရောက်ပြီ မဟုတ်လား။ ငါအစားပြန်ဝယ်ပေးပါ့မယ်နော်”
          ဆန်းလ နွေဦးကိုအနူးအညွှတ်တောင်းပန်နေပေမယ့် နွေဦး၏တင်းမာနေသည့်မျက်နှာ ထားကတော့ ပျော့ပြောင်းမသွားခဲ့။
          ထိုအခိုက် တင်းတင်းစေ့ထားသော နွေဦးနှုတ်ခမ်းတစ်စံုကပွင့်ဟလာပြီး “ဒီစာအုပ်က အစားပြန်ဝယ်ပေးလို့မရတဲ့စာအုပ်ပဲဆန်းလ” ဆိုသည့်စကားနှင့်အတူ ကျောခိုင်းလှည့်ထွက်သွားသော မြင်ကွင်းတို့က ဆန်းလအတွက်တော့တုန်လှုပ်ဖွယ်ပင်။
          သူ…သူသွားပြီ။
          သူမအချစ်ဆံုးသူငယ်ချင်းလည်း သူမကိုကျောခိုင်းခဲ့ပြီ။
          ဆန်းလ ကျောက်ရုပ်တစ်ရုပ်လိုငိုင်သွားကာ မျက်ရည်တို့ကအဆီးအတားမဲ့စွာကျလာ၏။
          စက်ဘီးသမားက “အစ်မဘာဖြစ်သွားလဲ”ဆိုသည့်စကားကိုတောင် သူမအရေးမစိုက်နိုင်။
          သူမချစ်ရသည့်သူငယ်ချင်းကိုလည်း နာကျင်အောင်၊ ဝမ်းနည်းအောင်၊ ပင်ပန်းအောင် သူမလုပ်ခဲ့မိပြန်ပြီ။
          သို့သော် နွေဦးပြောသွားသည့် စကားတစ်ခွန်းကိုတော့ သူမနားမလည်။
          ဒီစာအုပ်က ဘာမို့လို့အစားပြန်ပေးလို့မရတာလဲ။
          ထိုအတွေးများအားလံုး အဖံုးပြုတ်သွားသည့် စာအုပ်အတွင်းသားလေးကိုကြည့်မိတော့မှ ရှင်းသွားခဲ့သည်။
          “ရိုး”ဟုရေးထားသည့် လက်မှတ်လှလှလေးက စာအုပ်ပေါ်တွင်ခ့ံထည်စွာ။
         
✽✽✽   ✽✽✽   ✽✽✽

          လေးကန်သည့်ခြေလှမ်းတို့ကို သူမချစ်သူအခန်းဆီဦးတည်လိုက်သည်။
          အစ်မကရော၊ အမေကရော နောက်ပြီး အချစ်ဆံုးသူငယ်ချင်းကပါ လျစ်လျူရှုခံလိုက်ရ သည့်ဘဝမို့ နောက်ဆံုးအားပြုစရာသည် ချစ်သူတစ်ယောက်သာရှိတော့သည်။
          ကို့ဆီရောက်လှျင် ကို့ရင်ခွင်ထဲတိုးခွေ့ကာ အားပါးတရငိုမည်။ ကို့ပေါင်ပေါ်ခေါင်းအံုးကာ နှစ်နှစ်ခြိုက်ခြိုက်အိပ်မည်။ ကိုပေးမည့်အနမ်းများနှင့် သူမစိတ်ညစ်ညူးမှုတွေကို ဖြေဖျောက်ပစ်မည်။
          သြော်…မေ့တော့မလို့။ အရင်ဆံုးဟာသတွေပြောခိုင်းရမှာပဲ။ ဒါမှတစ်မနက်ခင်းလံုး နွမ်းလျ နေတဲ့စိတ်တွေက နည်းနည်းပြန်ကြည်လင်လာမှာ။
          တစ်ကယ်လဲ သူမစိတ်တွေက တအားနွမ်းနယ်နေသည်မို့ ဟာသလေးတွေနှင့် အရင်ဆံုး ဖြေလှေျာ့ပြီးမှပဲ ကို့ကိုရင်ဖွင့်တော့မည်ဟု ဆံုးဖြတ်လိုက်သည်။
          ဒီလိုတွေးလိုက်တော့သူမခြေလှမ်းတွေတက်ကြွလာသည်။ မှုန်မှိုင်းနေသည့်စိတ်တွေလည်း နည်းနည်းတော့ပြန်ကြည်လာသယောင်…။
          အခန်းနံပါတ် F-13…။
          ကို့အခန်းနားရောက်တော့ ဆရာဝင်မဝင်တစ်ချက်ကြည့်လိုက်ပြီး ဆရာရှိမနေမှန်းသေချာ တော့မှ ခေါင်းလေးပြူကာ ကို့ထိုင်ခံုနေရာကိုလှမ်းကြည့်လိုက်သည်။
          ထံုးစံအတိုင်း သူငယ်ချင်းများနှင့်စကားပြောနေသည့် ကို့ကိုတွေ့လိုက်ရသည်။ ထိုအခိုက် ကို့သူငယ်ချင်းတစ်ယောက်က သူမကိုကြည့်လိုက်ပြီး ကို့ကိုတစ်စံုတစ်ခုလှမ်းပြောလိုက်သဖြင့် ကို့ရဲ့ မျက်နှာလေးဆန်းလဖက်လှည့်လာသည်။
          ကြည်လင်တဲ့ကို့မျက်နှာလေးက ဒီနေ့မှပိုရှင်းသန့်နေသည်။
          ထိုင်နေရာမှ ဣနြေ္ဒရရနှင့် တစ်လှမ်းချင်းလှေျာက်လာပံုကလည်း စတိုင်ကျလွန်းလှသည်။
          “ဟိတ် မွွန်း ဘာတွေငေးနေတာလဲ”
          သူမရှေ့ရောက်ရောက်ချင်း မေးလိုက်တဲ့ကို့ရဲ့ပံုစံကြောင့် ရင်ထဲမှာနွေးထွေးသွားရသည်။
          ကိုက သူမကို မွန်းဟုခေါ်သည်။ လဆိုသည့်သူမနာမည်ကို ဒီအတိုင်းအဖျားဆွတ်ခေါ် ရမှာရိုးသည်ဟုထင်သည်လားမပြောတတ်။
          “အဟဲ…ဘာမှမဟုတ်ပါဘူး။ ကိုကို့ကိုတွေ့ချင်လို့”
          “အံမယ် ပိုပြီ။ လာမယ်ဆိုရင်လည်း ဘာလို့ဖုန်းမဆက်လဲ”
          “ကိုကို့ကိုအ့ံသြစေချင်လို့ပေါ့”
          “ဟုတ်ပါပြီဗျာ။ ဟုတ်ပါပြီ။ အဲ………”
          ခပ်ဝေးဝေးမှလာနေသည့်ဆရာ့ကိုမြင်တော့ ခုနကကို့အပြံုးတွေကတစ်ပိုင်းတစ်လက်စနှင့် ရပ်တန့်သွားသည်။
          “အာ……ဆရာလာနေပြီ။ ကို အတန်းတက်ရတော့မယ်။ မွန်းလဲ အတန်းသွားတက်တော့ လေ”
          “ဒီနေ့ မွန်းအတန်းမတက်ချင်ဘူး”
          သူမနွဲ့ဆိုးဆိုးသလိုပြောမိတော့ ကိုကလူကြီးတစ်ယောက်လိုပြံုးသည်။
          “ကို ဒီဆရာ့အချိန်ကို အလွတ်ခံလို့မရဘူးကွ။ သူရှင်းပြတာဒီနေ့နားမထောင်လိိုက်ရင် ကျန်တဲ့နေ့တွေ ဘာမှမသိတော့ဘူး”
          “ကိုကကွာ ကို့ကိုပြောစရာရှိလို့ပါဆို”
          “အင်းပါ။ ဒီဆရာ့တစ်ချိန်လေးတော့ ကိုခဏသင်လိုက်မယ်ကွာ။ ပြီးတော့မှ မွန်းပြောစရာ ရှိတာ ကို့ကိုပြောပေါ့”
          “ကို…ဒီတစ်နေ့လေးပဲဖျက်ပေးပါကွာ။ နော်………”
          “မွန်းရယ် ကိုလဲအဆင်မပြေလို့ပါ။ ပြောစရာရှိရင်နောက်မှပြောနော်။ ဟုတ်လား”
          “ကိုမရဘူးကွာ။ ဒီနေ့အတန်းမတက်နဲ့ကွာ။ ကို…… ကို……”
          သူမ ဘယ်လိုပဲတောင်းပန်တိုးလှျိုးပေမယ့် ကိုကသူမစကားနားမထောင်။ အတန်းထဲသို့ ပြေးဝင်သွားပြီး သူ့ထိုင်ခံုတွင်အကျအနသွားထိုင်သည်။
          သူမတို့အဖြစ်အပျက်ကို တစ်စွန်းတစ်စမြင်လိုက်ရသော ကိုတို့အတန်းထဲက မိန်းကလေး တစ်ချို့ကတော့ ဆန်းလကိုကြည့်ပြီးမျက်ခံုးအတွန့်ချိုးကာ သရော်တော်တော်ပြံုးကြသည်။
          ဝမ်းနည်းခြင်း၊ အထီးကျန်ခြင်း၊ ရှက်ခြင်းတို့နှင့် သူမပူထူကာ ကိုနှင့်ဝေးရာသို့ သူမထွက် လာခဲ့သည်။ မျက်ရည်များကတော့ တတွေတွေစီးလျက်။

✽✽✽   ✽✽✽   ✽✽✽

(ဆက်ရန်)
(လင်း)
(Unicode)

image

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s