ဝီ စတန္းဒ္ ဝစ္ ဘထြမ့္ (ဝီ စတန်းဒ် ဝစ် ဘထွမ့်)

          အေမရိကန္ေရြးေကာက္ပြဲၿပီးေလၿပီ။
          ထင္ထားသူမႏိုင္ပဲ မထင္ထားသူႏိုင္သြားသည့္အတြက္ ဆႏၵျပမႈမ်ားျဖစ္ေနေၾကာင္းလည္း သိရသည္။
          ေလဒီဂါဂါ၊ ေကတီပယ္ရီတို႔လို နာမည္ေက်ာ္အႏုပညာရွင္မ်ားအပါအဝင္ အလႊာအသီးသီး နယ္စံုပယ္စံုမွလူေတြက သမဒႀကီးဘထြမ့္ကို ကန္႔ကြက္ေနၾကသည္။
          ဘထြမ့္ႏိုင္လွ်င္ အေမရိကန္မွာမေနဘူးဟု ဆံုးျဖတ္ထားသူမ်ားဝင္ေရာက္ၾကည့္ရွဳလြန္း၍ ကေနဒါလူဝင္မႈႀကီးၾကပ္ေရးဝဘ္ဆိုဒ္ပါ က်သြားသည္ဟုလည္းသိရျပန္သည္။
          နားမလည္…။
          ထိုသူတို႔ကို ငွက္ရိုးနားမလည္။
          ငွက္ရိုးကေတာ့ ဟိုးအစကတည္းက ဟီလာတိုက္ၿပီးရီတတ္သည့္ ကလင္ဒါဆိုတာႀကီးကို သေဘာမက်၍လားမသိ ဘထြမ့္သမဒျဖစ္လာျခင္းကို လိႈက္လိႈက္လွဲလွဲႀကိဳဆိုသည္။
          ေအာင္မာ…… မဲရလဒ္ေၾကညာတုန္းကဆို ငွက္ရိုးမ်က္ရည္ေလးစမ္းစမ္းစမ္းစမ္းႏွင့္ေတာင္ တီဗီြေရွ႕ပတ္ကမိေသးသည္။
          ဘထြမ့္မၾကားမွာသိေသာ္လည္း “အိုင္ လာ့ဗ္ ဘထြမ့္”ဟု မရွိမဲ႔ရွိမဲ႔ဖင္ျပားေလးကိုကုန္းၿပီး ငယ္သံပါသည္အထိေအာ္ခဲ႔သည္။ ဘထြမ့္သတင္းေတြ ဖြဘုတ္မွာတက္လာတိုင္း “ဘထြမ့္ မြခ်ိ မြခ်ိ”ဟု ေကာမန္႔ေပးတတ္သည္။ ငွက္ရိုးဆိုသည္မွာလည္း ေရေျမေတြျခားေနတာေတာင္ အဘမ်ားအတြက္ဆို ထုိမွ်အထိ ေဘာမ (အဲ) ေသာကေဝတတ္ေလသည္။
          ဘထြမ့္ကရွင္းသည္။
          ျပတ္သည္။
          မည္မွ်ထိရွင္းၿပီး မည္မွ်ထိျပတ္သလဲဆို တခါတေလ ၾကည္ေတာက္ရွင္းဝတ္လစ္စလစ္ ဗီြဒီယိုင္ဖိုင္ေတြပါ အင္တာနက္ေပၚျပန္႔လာသည္အထိ ရွင္းသည္၊ ျပတ္သည္။
          ဒါတင္မကဘထြမ့္ကက်န္းမာႀကံ႕ခိုင္သည္။ ေညွာင္စိေညွာင္ညွက္၊ ရွဴနာရွိဳက္ကုန္းမဟုတ္။ ဘထြမ့္စပြန္ဆာေပးထားသည့္ ေမာ္ဒယ္စကီေလးမ်ားက ဘထြမ့္က်န္းမာႀကံ႕ခိုင္ေၾကာင္းသက္ေသ…။
          မဲဆြယ္ပြဲၾကည့္ၾကည့္၊ စကားစစ္ထိုးပြဲၾကည့္ၾကည့္ ဘထြမ့္ကအၿမဲသြက္လက္ေနသည္။ ဒူးေခြျခင္း၊ ခါးကိုက္ျခင္းအလ်ဥ္းမရွိ။ အက်င့္ပါေနသူမို႔ အာသြက္၊ လွ်ာသြက္ကလည္းရွိေလသည္။ ေခါင္းျဖဴေသာ္လည္း စြယ္မက်ိဳးသည့္ အာဂဘထြမ့္ပင္။
          ဘထြမ့္အစြမ္းက ဤမွ်ႀကီးမားသည္ဆိုေတာ့ ငွက္ရိုးတို႔ေရလည္ဂါသည္။ မဲဆြယ္ပြဲတိုင္း ေမာင္းမမိႆံအေႁခြအရံစံုစြာႏွင့္ ပြဲထြက္လာတတ္သည့္ ဘထြမ့္ဘုန္းကံကိုအားက်ရသည္။
          ဘထြမ့္ကအမ်ိဳးသားေရးအားသန္သည္။ အားေပးသည္။
          ဒါ့အျပင္ ဘထြမ့္ကမိန္းမအေရြးေတာ္သည္။ ေနန႔ဲလ၊ ေရႊနဲ႔ျမလို လိုက္ဖက္ညီသည္။ ဘထြမ့္က အမ်ိဳးသားေရးအားသန္သလို ဘထြမ့္ကေတာ္ကလည္း အမ်ိဳးသားေရးအားသန္ပံုရသည္။ မယံုလွ်င္ ဘထြမ့္ကေတာ္၏ မ်က္စိပသာဒျဖစ္ဖြယ္ ႏွစ္ေကာ့တစ္ကံုး ဝတ္လစ္စလစ္ဓာတ္ပံုမ်ားကို ၾကည့္ရွဳေလ့လာႏိုင္သည္။ (စိတ္) အတြင္းသားျဖဴစင္လွပေသာ ႏိုင္ငံ့မိခင္၏ အလွတရားေၾကာင့္ အေမရိကန္ျပည္သူျပည္သားမ်ား ဂုဏ္ယူဝံ့ႂကြားႏိုင္ေတာ့မည္ျဖစ္သည္။
          ေပ်ာ္သည္။
          ငွက္ရိုးေပ်ာ္သည္။
          ဘထြမ့္သမဒျဖစ္သြား၍ ငွက္ရိုးေပ်ာ္သည္။
          ဘထြမ့္အတြက္ဂုဏ္ျပဳပြဲကို ငွက္ရိုးသူငယ္ခ်င္းေရာင္းရင္းမ်ားႏွင့္ လမ္းထိပ္ဘံုဆိုင္တြင္ တစ္ေနကုန္က်င္းပမည္။ ေသြးေသာက္အားလံုး အလုပ္မသြားပဲ ညီညီညြတ္ညြတ္ေအာင္ပြဲခံၾကမည္။ ဗိုက္ဆာလွ်င္ “ဘထြမ့္ေအာင္ပြဲစတုဒိသာ”မ်ားတြင္ အလကားဝင္စားၾကမည္။
          အိမ္တံခါးကိုေသာ့ခတ္လိုက္သည္။
          မေန႔ကပဲျပဳတ္ဖိုးအေႂကြးကို မနက္ျဖန္မွေပးမည္။ အိမ္ငွားခ၃လစာကိုလည္း ေလးလေနမွ ေပါင္းေပးမည္။
          ေလာေလာဆယ္ေတာ့ ဘထြမ့္အတြက္ လမ္းထိပ္ဘံုဆိုင္တြင္ေအာင္ပြဲခံရမည္။
          ငါတို႔သည္ ဘထြမ့္မ်ားသာျဖစ္ၾကသည္…။

(ပေရာ္ဖက္ဆာေဒါက္တာငွက္ရိုး)
(Zawgyi)

          အမေရိကန်ရွေးကောက်ပွဲပြီးလေပြီ။
          ထင်ထားသူမနိုင်ပဲ မထင်ထားသူနိုင်သွားသည့်အတွက် ဆန္ဒပြမှုများဖြစ်နေကြောင်းလည်း သိရသည်။
          လေဒီဂါဂါ၊ ကေတီပယ်ရီတို့လို နာမည်ကျော်အနုပညာရှင်များအပါအဝင် အလွှာအသီးသီး နယ်စုံပယ်စုံမှလူတွေက သမဒကြီးဘထွမ့်ကို ကန့်ကွက်နေကြသည်။
          ဘထွမ့်နိုင်လျှင် အမေရိကန်မှာမနေဘူးဟု ဆုံးဖြတ်ထားသူများဝင်ရောက်ကြည့်ရှုလွန်း၍ ကနေဒါလူဝင်မှုကြီးကြပ်ရေးဝဘ်ဆိုဒ်ပါ ကျသွားသည်ဟုလည်းသိရပြန်သည်။
          နားမလည်…။
          ထိုသူတို့ကို ငှက်ရိုးနားမလည်။
          ငှက်ရိုးကတော့ ဟိုးအစကတည်းက ဟီလာတိုက်ပြီးရီတတ်သည့် ကလင်ဒါဆိုတာကြီးကို သဘောမကျ၍လားမသိ ဘထွမ့်သမဒဖြစ်လာခြင်းကို လှိုက်လှိုက်လှဲလှဲကြိုဆိုသည်။
          အောင်မာ…… မဲရလဒ်ကြေညာတုန်းကဆို ငှက်ရိုးမျက်ရည်လေးစမ်းစမ်းစမ်းစမ်းနှင့်တောင် တီဗွီရှေ့ပတ်ကမိသေးသည်။
          ဘထွမ့်မကြားမှာသိသော်လည်း “အိုင် လာ့ဗ် ဘထွမ့်”ဟု မရှိမဲ့ရှိမဲ့ဖင်ပြားလေးကိုကုန်းပြီး ငယ်သံပါသည်အထိအော်ခဲ့သည်။ ဘထွမ့်သတင်းတွေ ဖွဘုတ်မှာတက်လာတိုင်း “ဘထွမ့် မွချိ မွချိ”ဟု ကောမန့်ပေးတတ်သည်။ ငှက်ရိုးဆိုသည်မှာလည်း ရေမြေတွေခြားနေတာတောင် အဘများအတွက်ဆို ထိုမျှအထိ ဘောမ (အဲ) သောကဝေတတ်လေသည်။
          ဘထွမ့်ကရှင်းသည်။
          ပြတ်သည်။
          မည်မျှထိရှင်းပြီး မည်မျှထိပြတ်သလဲဆို တခါတလေ ကြည်တောက်ရှင်းဝတ်လစ်စလစ် ဗွီဒီယိုင်ဖိုင်တွေပါ အင်တာနက်ပေါ်ပြန့်လာသည်အထိ ရှင်းသည်၊ ပြတ်သည်။
          ဒါတင်မကဘထွမ့်ကကျန်းမာကြံ့ခိုင်သည်။ ညှောင်စိညှောင်ညှက်၊ ရှူနာရှိုက်ကုန်းမဟုတ်။ ဘထွမ့်စပွန်ဆာပေးထားသည့် မော်ဒယ်စကီလေးများက ဘထွမ့်ကျန်းမာကြံ့ခိုင်ကြောင်းသက်သေ…။
          မဲဆွယ်ပွဲကြည့်ကြည့်၊ စကားစစ်ထိုးပွဲကြည့်ကြည့် ဘထွမ့်ကအမြဲသွက်လက်နေသည်။ ဒူးခွေခြင်း၊ ခါးကိုက်ခြင်းအလျဉ်းမရှိ။ အကျင့်ပါနေသူမို့ အာသွက်၊ လျှာသွက်ကလည်းရှိလေသည်။ ခေါင်းဖြူသော်လည်း စွယ်မကျိုးသည့် အာဂဘထွမ့်ပင်။
          ဘထွမ့်အစွမ်းက ဤမျှကြီးမားသည်ဆိုတော့ ငှက်ရိုးတို့ရေလည်ဂါသည်။ မဲဆွယ်ပွဲတိုင်း မောင်းမမိဿံအခြွေအရံစုံစွာနှင့် ပွဲထွက်လာတတ်သည့် ဘထွမ့်ဘုန်းကံကိုအားကျရသည်။
          ဘထွမ့်ကအမျိုးသားရေးအားသန်သည်။ အားပေးသည်။
          ဒါ့အပြင် ဘထွမ့်ကမိန်းမအရွေးတော်သည်။ နေန့ဲလ၊ ရွေှနဲ့မြလို လိုက်ဖက်ညီသည်။ ဘထွမ့်က အမျိုးသားရေးအားသန်သလို ဘထွမ့်ကတော်ကလည်း အမျိုးသားရေးအားသန်ပုံရသည်။ မယုံလျှင် ဘထွမ့်ကတော်၏ မျက်စိပသာဒဖြစ်ဖွယ် နှစ်ကော့တစ်ကုံး ဝတ်လစ်စလစ်ဓာတ်ပုံများကို ကြည့်ရှုလေ့လာနိုင်သည်။ (စိတ်) အတွင်းသားဖြူစင်လှပသော နိုင်ငံ့မိခင်၏ အလှတရားကြောင့် အမေရိကန်ပြည်သူပြည်သားများ ဂုဏ်ယူဝံ့ကြွားနိုင်တော့မည်ဖြစ်သည်။
          ပျော်သည်။
          ငှက်ရိုးပျော်သည်။
          ဘထွမ့်သမဒဖြစ်သွား၍ ငှက်ရိုးပျော်သည်။
          ဘထွမ့်အတွက်ဂုဏ်ပြုပွဲကို ငှက်ရိုးသူငယ်ချင်းရောင်းရင်းများနှင့် လမ်းထိပ်ဘုံဆိုင်တွင် တစ်နေကုန်ကျင်းပမည်။ သွေးသောက်အားလုံး အလုပ်မသွားပဲ ညီညီညွတ်ညွတ်အောင်ပွဲခံကြမည်။ ဗိုက်ဆာလျှင် “ဘထွမ့်အောင်ပွဲစတုဒိသာ”များတွင် အလကားဝင်စားကြမည်။
          အိမ်တံခါးကိုသော့ခတ်လိုက်သည်။
          မနေ့ကပဲပြုတ်ဖိုးအကြွေးကို မနက်ဖြန်မှပေးမည်။ အိမ်ငှားခ၃လစာကိုလည်း လေးလနေမှ ပေါင်းပေးမည်။
          လောလောဆယ်တော့ ဘထွမ့်အတွက် လမ်းထိပ်ဘုံဆိုင်တွင်အောင်ပွဲခံရမည်။
          ငါတို့သည် ဘထွမ့်များသာဖြစ်ကြသည်…။

(ပရော်ဖက်ဆာဒေါက်တာငှက်ရိုး)
(Unicode)

image

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s